काठमाडौं । नेकपा एमालेका सांसद् महेश बस्नेतले राष्ट्रिय दूग्ध विकास बाेर्ड र कपास विकास समिति खारेज गर्ने निर्णय तत्काल फिर्ता लिन सरकारसँग माग गर्नुभएकाे छ ।य
मंगलबार बसेकाे प्रतिनिधि सभाकाे दाेस्राे बैठककाे आकस्मिक समयमा बाेल्दै सांसद् बस्नेतले दूग्ध विकास बाेर्ड खारेज गर्ने सरकारकाे निर्णय किसान विराेधी रहेकाे बताउनुभयाे ।
उहाँले भन्नुभयाे - 'करिब ३० लाख दूध किसानहरु, ६ सय दूग्ध उद्याेग, १८ सय सहकारी र दैनिक १ कराेड उपभाेक्ताबीचका सेवा गरिराखेकाे दूग्ध विकास बाेर्डलाई खारेज गर्ने आवश्यकता किन रह्याे ? याे निर्णय किसान विराेधी छ, राष्ट्रककाे अहितमा गरिएकाे प्रस्ताव हाे, यसले विदेशी दूधलाई नेपाल भित्र्याउने, नेपालका उद्याेगलाई समाप्त गर्ने र नेपाली किसानलाई अझ गरिब बनाउने कुदिशाबाट याे प्रस्ताव आएकाे देखिन्छ ।'
राष्ट्रकाे हितविपरित आएकाे प्रस्तावलाई फिर्ता लिन सरकारसँग माग गर्दै सांसद् बस्नेतले भन्नुभयाे - 'जसरी निर्वाचन कार्यालय खारेजी गर्ने प्रस्ताव फिर्ता लियाे, सरकारले याे प्रस्ताव पनि फिर्ता लिनुपर्छ ।'
बाँकेकाे कपास विकास समितिलाई खारेज गर्ने प्रस्ताव कुन उद्देश्यबाट आएकाे हाे भन्दै उहाँले प्रश्न गर्नुभयाे । सांसद् बस्नेतले भन्नुभयाे - 'कपास विकास जस्ताे महत्वपूर्ण स्वदेशी उद्याेगलाई प्रवर्द्धन गर्नुकाे सट्टा खारेज गर्ने प्रस्ताव कुन उद्देश्यबाट आएकाे हाे ? निश्चित केही राजनीतिक दलका मान्छेलाई जग्गा-जमिन कब्जा गराउने, सुकुम्बासीका नाममा आफ्ना कार्यकर्तालाई आश्रय दिलाउने उद्देश्यबाट याे कपास विकास समितिलाई खारेज गर्ने प्रस्ताव गरिएकाे छ, याे सर्वथा अनुचित काम हाे ।'
स्वदेशी उद्याेगलाई प्रवर्द्धन गर्नुकाे सट्टा सरकारले नाफामा गएकाे संस्थालाई हटाउनु आपत्तिजनक रहेकाे उहाँले बताउनुभयाे । सांसद् बस्नेतले भन्नुभयाे - 'भर्खरै नाफामा जाँदै गरेकाे संस्थालाई, स्वदेशी उद्याेगलाई प्रवर्द्धन गर्नुपर्नेमा यसलाई खारेज गर्ने जुन प्रस्ताव लिइएकाे छ, यसलाई तत्काल खारेज गरियाेस् ।'
