काठमाडौं । प्रतिनिधि सभाकाे बैठक १५ मिनेटका लागि स्थगित भएकाे छ ।
नेकपा एमाले, रास्वपा र राप्रपाले सदन अवरुद्ध गरेपछि सभामुख देवराज घिमिरेले १५ मिनेटका लागि बैठक स्थगित गर्नुभएकाे हाे ।
अर्थमन्त्री डा. प्रकाशशरण महतले मंगलबार जनाएकाे प्रतिबद्धता अनुसार जिल्ला निर्वाचन कार्यालय खारेज नहुने विषय विनियोजन विधेयकमा नसमेटिएको भन्दै प्रतिपक्षी दलले विराेध जनाएका हुन् ।
सभामुख घिमिरेले विनियाेजन विधेयकलाई निर्णयार्थ पेस गर्दैगर्दा एमाले र रास्वपा सांसद्ले उठेर विरोध जनाएका थिए । त्यसपछि सभामुखले एमाले प्रमुख सचेतक पदम गिरीलाई बाेल्न समय दिनुभयाे । उहाँले मंगलबारकाे बैठकमा अर्थमन्त्री गरेको प्रतिबद्धता अनुसार विनियाेजन विधेयकमा निर्वाचन कार्यालय खारेज गरिँदैन भन्ने कुरा नसमेटिएकाले सदन अगाडि जान नसक्ने बताउनुभयाे ।
त्यसपछि रास्वपाका प्रमुख सचेतक सन्ताेष परियारले अर्थमन्त्रीकाे प्रतिबद्धता सुनिश्चित नभइ सदन अगाडि बढ्न नसक्ने बताउनुभयाे ।
नेपाली कांग्रेसका प्रमुख सचेतक रमेश लेखकले समय लिएर बाेल्दै बजेटमा परेपनि त्याे प्राविधिक विषय भएकाले राजनीतिकरण गर्न नमिल्ने बताउनुभयाे ।
त्यसपछि सभामुखले बस्न अनुराेध गरेपनि प्रतिपक्षी दलले मानेनन् । अनि सभामुखले बैठक १५ मिनेटका लागि स्थगित गरिएकाे घाेषणा गर्नुभयाे ।
