काठमाडाैं । काेशी प्रदेशका मुख्यमन्त्री हिक्मतकुमार कार्कीले प्रदेशकाे नामाकरणलाई निष्कर्षमा पुर्याउने काम आफूहरुले गरेकाे बताउनुभयाे ।
बिहीबार बसेकाे प्रदेश सभा बैठकमा विश्वासकाे मत माग्दै मुख्यमन्त्री कार्कीले जता जाँदा पनि नाम राख्न नसक्ने प्रदेशकाहरुलाई किन जिताउने भन्ने कुराहरुकाे सामना गर्नुपरेकाे अवस्थालाई आफूहरुले टुंगाेमा पुर्याउने काम गरेकाे स्मरण गराउनुभयाे । यसमा सबै दलकाे सहयाेग रहेकाे भन्दै उहाँले धन्यवाद दिनुभयाे ।
मुख्यमन्त्री कार्कीले प्रदेश सभाकाे ठूलाे दल र त्यही दल एमालेकै नेतृत्वकाे सरकारकाे अतुलनीय भूमिका रहेकाे बताउनुभयाे । ५ वर्षसम्म राख्न नसकेकाे प्रदेशकाे नाम राख्नु महत्वपूर्ण उपलब्धि भएकाे भन्दै उहाँले नामाकरणमा केही असन्तुष्टि देखिएका बताउनुभयाे ।
नामाकरणमा असन्तुष्टहरुसँग प्रदेश सरकारले वार्ता टाेली बनाएर संवाद गरिरहेकाे र निष्कर्षमा पुर्याउने तयारीमा रहेकाे मुख्यमन्त्री कार्कीले बताउनुभयाे ।
प्रदेश सरकारले संविधानसम्मत र कानुनी प्रक्रिया पूरा गरेर गरेकाे काममा केन्द्र सरकारका प्रधानमन्त्री पुष्पकमल दाहाल प्रचण्ड लगायत मन्त्रीले हस्तक्षेप गर्न खाेजेकाे र आगाेमा घिउ थप्ने काम गरेकाे उहाँले बताउनुभयाे । मुख्यमन्त्री कार्कीले भन्नुभयाे - 'प्रदेश सभाले नामाकरण गर्छ, संवैधानिक ढंगले, विधि-प्रक्रिया पूरा गरेर, अनि हाम्राे प्रदेश सभा र प्रदेश संरचनासँग कुनै सल्लाह नगरी नेपाल सरकारका प्रधानमन्त्री र मन्त्रीले गलत भयाे भनेर बाेल्दिनुहुन्छ, त्यसले यहाँका समस्याहरुमा आगोमा घिउ र पेट्रोल छर्कने काम समेत भयो ।'
संवैधानिक र कानुनी प्रकिया पूरा गरेर नामाकरण गरेकाे भन्दै उहाँले नामका बारेमा सहमत-असहमत हुन सकिने बताउनुभयाे । भाेलि सहमतिमै, संवैधानिक रुपमै नाम फेर्न सकिने बाटाे पनि रहेकाे भन्दै मुख्यमन्त्री कार्कीले प्रदेश सभामा नाम राख्ने कुरामा एक ठाउँमा भएका दलहरु एउटा मान्छे भेट्दा एउटा कुरा, अर्काे मान्छे भेट्दा अर्काे कुरा गर्ने कामले प्रदेशमा अस्थिरताकाे बिउ राेप्ने काम कतिपय नेताबाट भएकाे बताउनुभयाे ।
संघीय सरकारका प्रधानमन्त्रीले आफ्नाे पार्टीकाे बैठकमा गल्ती भयाे भनेर प्रदेश सभाकाे क्षेत्राधिकारमा हस्तक्षेप गर्ने काम गर्नुभएकाे भन्दै उहाँले असन्तुष्टि जनाउनुभयाे ।
सुशासनका लागि आफू नेतृत्वकाे सरकारले धेरै राम्राे काम गरिरहेकाे भन्दै उहाँले मन्त्रालयकाे संख्या घटाउने कुराकाे अगुवाइ आफूले गरेकाे बताउनुभयाे ।
अरु प्रदेशमा झ्याल-झ्यालमा मन्त्रालय हुँदा आफूहरुले मन्त्रालयकाे संख्या कटाैती गरेर ९ मा सीमित गरेकाे स्मरण मुख्यमन्त्री कार्कीले स्मरण गराउनुभयाे । काम गर्न मन्त्री धेरै नचाहिँने कुरा आफूहरुले देखाएकाे र ५ महिनामा धेरै काम गरेकाे पनि उहाँले बताउनुभयाे ।
विगतमा विनियाेजन भएकाे मध्ये २५ प्रतिशत खर्च कटाैती गर्ने उद्घाेष माघमा गरेर अहिले २५ प्रतिशत बढी रकम चालु खर्चमा बचाएकाे मुख्यमन्त्री कार्कीले बताउनुभयाे ।
आगामी वर्षकाे बजेटमा पनि करिब पाैने अरब अर्थात ८० कराेड बढी चालु खर्च घटाउने किटानी व्यवस्था हुनेगरी बजेट अध्यादेशकाे वक्तव्यमा उल्लेख गरेकाे बताउनुभयाे ।
