काठमाडाैं । राष्ट्रिय प्रजातन्त्र पार्टी (राप्रपा) ले कोशी प्रदेशका मुख्यमन्त्री हिक्मतकुमार कार्कीलाई विश्वासकाे मत दिने जनाएकाे छ ।
बुधबार बसेकाे प्रदेश सभा बैठकमा मुख्यमन्त्री कार्कीले विश्वासको मत माग्नुभएकाे प्रस्तावमा बाेल्दै राप्रपा सांसद् अम्बरबहादुर विष्टले सरकारलाई पूर्ण समर्थन रहेको बताउनुभयाे ।
मुख्यमन्त्री कार्कीकाे नेतृत्वकाे सरकारले स्थायित्व पाउला, प्रदेशमा विकास र समृद्धिकाे काम अगाडि बढाउला र अब्बल दर्जाकाे प्रदेश बन्ला भनिरहेकै बेला माओवादी केन्द्र र जसपाले किन समर्थन फिर्ता लियाे भन्ने कुरा बुझ्न नसकेकाे उहाँले बताउनुभयाे । 'तर के कारणले हाे माथि पनि हामी सबैले समर्थन गर्दागर्दै गाडी छाेडेर, फुत्त अर्काे गाडीमा गएर नेतृत्व गर्नुभयाे, उहाँकाे रुचीकाे कुरा हाेला, प्रदेश सरकार पनि राम्रै चलिरहेकाे थियाे, २ वटा दलले छाेडेर जानुभयाे'- सांसद् विष्टले बताउनुभयाे
सरकारले राम्रै काम गरिरहेका बेला सृजना भएकाे यस परिस्थितिले प्रदेश अगाडि बढ्न नसक्ने उहाँले बताउनुभयाे । बजेटमा लामाे छलफल हाेस् भन्ने आफूहरुले चाहेपनि बजेट ल्याउने मुखमै २ दलले समर्थन फिर्ता लिएपछि सरकारले वाध्य भएर अध्यादेशबाट बजेट ल्याएकाे सांसद् विष्टले बताउनुभयाे ।
राप्रपाका सबै सांसद्ले मुख्यमन्त्री कार्कीलाई विश्वासकाे मत दिने भन्दै उहाँले अरु दललाई पनि विश्वासकाे मत दिन आग्रह गर्नुभयाे ।
