काठमाडाैं । जसपाका प्रमुख सचेतक प्रदीप यादवले विधेयकहरु अचानक छलफलका लागि ल्याउनु सरकारको गम्भीर लापरबाही भएकाे बताउनुभएकाे छ ।
आइतबार बसेकाे प्रतिनिधि सभाको दोसो बैठकमा बैठकमा मुलुकी संहितासम्बन्धी केही नेपाल ऐनलाई संशोधन गर्ने विधेयक, २०८० माथिको सैद्धान्तिक छलफलमा भाग लिँदै उहाँले सांसद्लाई जानकारी नदिई कुनै पनि विधेयकमा संसद्मा अचानक छलफलमा ल्याउन काम नगर्न समेत सरकारलाई चेतावनी दिनुभयाे ।
'निश्चित रुपमा यो सरकारको धेरै लापरबाही हो, अचानक यस्ता गम्भीर विधेयकहरु आउँछन्, जसको चाँही हामी अध्ययन गर्न पनि पाउँदैनौं, विधेयकहरु पनि समयमा हातमा आउँदैनन् र अन्दाजको भरमा हामीले बोल्नुपर्छ, वास्तवमा यो आउनुपर्ने कुरा चाँही हो तर यो व्यापक छलफल गरेर नै ल्याउनुपर्ने थियो, किनकी यसमा एकतर्फी रुपमा मात्रै गएर हुँदैन'- यादवले भन्नुभयाे ।
बैंकले पनि ब्याजमाथि ब्याज लिने गरेकाे भन्दै उहाँले यस विधेयकमा बैंक र वित्तिय संस्थाका लागि पनि कानुन लाग्ने कुरा पनि आउनुपर्ने बताउनुभयाे ।
