काठमाडाैं । प्रतिनिधि सभा बैठक आधा घण्टाका लागि स्थगित भएकाे छ ।
प्रधानमन्त्री पुष्पकमल दाहाल प्रचण्डकाे अभिव्यक्तिप्रति नेकपा एमालेसहित विपक्षी दलहरुले विराेध जनाएपछि सभामुख देवराज घिमिरेले बैठक आधा घण्टाका लागि स्थगित गर्नुभएकाे हाे ।
प्रधानमन्त्री पुष्पकमल दाहाल प्रचण्डको असार १८ गतेको अभिव्यक्तिलाई लिएर प्रमुख प्रतिपक्षी एमाले, राष्ट्रिय स्वतन्त्र पार्टी र राप्रपाका सांसद्ले विरोध जनाएका थिए ।
त्यसपछि सभामुखले एमाले सांसद् रघुजी पन्तलाई बाेल्न समय दिनुभयाे । सांसद् पन्तले प्रधानमन्त्रीकाे अभिव्यक्तिले स्वाभिमानमा आघात पुर्याएकाले राजीनामा दिनुपर्ने बताउनुभयाे । प्रधानमन्त्रीले राजीनामा नदिएसम्म सदन नचल्ने उहाँले बताउनुभयाे ।
त्यसपछि सभामुखले बस्न आग्रह गर्नुभयाे । तर एमाले सांसद् सहित रास्वापा र राप्रपाका सांसद् उठेर विराेध जनाए अनि सभामुखले बैठक आधा घण्टाका लागि स्थगित गर्नुभयाे ।
