काठमाडाैं । राष्ट्रिय स्वतन्त्र पार्टी (रास्वपा) का सांसद् मनिष झाले प्रधानमन्त्री पुष्पकमल दाहाल प्रचण्डले सार्वभाैम संसद्काे अवहेलना भएकाे गर्नुभएकाे बताउनुभएकाे छ ।
बुधबार संघीय संसद् भवन परिसरमा सञ्चारकर्मीसँग कुरा गर्दै सांसद् झाले विवादास्पद अभिव्यक्तिबारे सदनलाई स्पष्ट नपार्दासम्म आफूहरुले प्रधानमन्त्री प्रचण्डलाई नचिन्ने समेत बताउनुभयाे । 'सदनमा हामीले २-२ पटक भाेट दिएर प्रधानमन्त्री बनाउने, अनि कुन चाहिँ मान्छे पटकपटक दिल्ली गएर मलाई प्रधानमन्त्री बनायाे भन्ने ? याे सदनकाे अवहेलना हाेइन ? प्रधानमन्त्रीले याे सदनकाे मतकाे अस्तित्व अस्वीकार गरेकाे पाइयाे, त्यसैले हामी आजदेखि उहाँलाई चिन्दैनाैं, जबसम्म उहाँ आएर सदनमा चित्तबुझ्दाे जवाफ दिनुहुन्न, तबसम्म हामी उहाँलाई चिन्दैनाैं'- उहाँले भन्नुभयाे ।
प्रधानमन्त्री प्रचण्डकाे अभिव्यक्तिले सार्वभाैम संसद्सँगै यसकाे लाेकतान्त्रिक प्रक्रिया र निर्वाचन पक्रियाकाे समेत अवहेलना भएकाे सांसद् झाले बताउनुभयाे । 'प्रधानमन्त्रीले केही दिन अगाडि एउटा सार्वजनिक कार्यक्रममा सार्वभाैम संसद्, यसकाे राजनीतिक पक्रिया, लाेकतान्त्रिक प्रक्रिया, निर्वाचन पक्रिया सबैलाई अवहेलना गर्ने अभिव्यक्ति दिनुभएकाे छ, उहाँले विवेक गुमाएर बाेल्नुभएकाे हाे कि ? कुन तर्कले गर्नुभएकाे ? थियाे भन्ने स्पष्ट पार्न आग्रह गर्न चाहान्थ्याैं, तर बाेल्नै पाएनाैं'- उहाँले भन्नुभयाे ।
आफूहरुले तत्काल प्रधानमन्त्रीकाे राजीनामा नमागेकाे बताउँदै सांसद् झाले भन्नुभयाे - 'केही कुरामा हाम्राे आक्राेश छ, आशंका छ, त्याे कुरा उहाँहरुले आएर स्पष्ट पार्नुपर्छ, तर हामीले राजीनामा दिनुपर्छ भनेका छैनाैं ।' प्रधानमन्त्री प्रचण्डले यस विषयमा सन्ताेषजनक जवाफ नदिए राजीनामाबारे पुर्नविचार गर्न भने सकिने उहाँले बताउनुभयाे ।
रास्वपाले पनि एमालेकाे मागमा समर्थन जनायाे भनेर मिडियाले अनावश्यक जाेड्नु गलत रहेकाे समेत सांसद् झाले बताउनुभयाे ।
