काठमाडौं । प्रधानमन्त्री पुष्पकमल दाहाल प्रचण्डको राजीनामा माग गर्दै प्रमुख प्रतिपक्षी नेकपा एमालेले राष्ट्रिय सभाको बैठकमा अवरोध गरेको छ ।
बिहीबार बैठक सुरु हुनासाथ समय लिएर बाेल्दै एमाले एमाले सांसद् भैरव सुन्दर श्रेष्ठले प्रधानमन्त्री प्रचण्डले नेपालकाे स्वाभिमान, नेपालकाे राष्ट्रियता, सार्वभाैमिकता र राष्ट्रिय स्वाधिनतामा आँच पुग्नेगरी अभिव्यक्ति दिनु आपत्तिजनक रहेकाे बताउनुभयाे ।
प्रधानमन्त्रीकाे अभिव्यक्तिप्रति सारा नेपाली दु:खी भएकाे भन्दै उहाँले प्रधानमन्त्रीकाे अभिव्यक्तिले सबै नेपालीकाे स्वाभिमान गिरेकाे बताउनुभयाे । भारतको इसारामा बन्ने प्रधानमन्त्री स्वीकार्य नहुने सांसद् श्रेष्ठले बताउनुभयाे । प्रधानमन्त्रीले आफ्नो नैतिकताका आधारमा राजीनामा दिनुपर्ने सांसद् श्रेष्ठले बताउनुभयाे ।
असार १८ गते प्रधानमन्त्री प्रचण्डले आफूलाई प्रधानमन्त्री बनाउन भारतीय व्यवसायी प्रितम सिंह धेरै पटक दिल्ली गएको बताउनुभएकाे थियाे । प्रधानमन्त्रीको प्रचण्डको साे अभिव्यक्तिप्रति आपत्ति जनाउँदै एमालेले बुधबार पनि प्रतिनिधि सभा र राष्ट्रिय सभा बैठक अवरोध गरेको थियो ।
एमालेकाे अवराेधपछि राष्ट्रिय सभा अध्यक्ष गणेशप्रसाद तिमिल्सिनाले बैठक स्थगित गर्नुभएकाे छ ।
