काठमाडाैं । प्रमुख प्रतिपक्षी नेकपा एमालेले शुक्रबार बसेकाे राष्ट्रिय सभा बैठक पनि अवराेध गरेकाे छ ।
शुक्रबार बैठक सुरु हुनासाथ एमाले सांसद् विमला घिमिरेले प्रधानमन्त्री पुष्पकमल दाहाल प्रचण्डकाे अभिव्यक्तिले सारा नेपालीकाे स्वाभिमानमा आँच पुर्याएकाे भन्दै आपत्ति जनाउनुभयाे ।
प्रधानमन्त्रीकाे अभिव्यक्तिले सिंगाे देश दुखेकाे र सारा स्वाभिमानी नेपालीकाे शिर झुकेकाे उहाँले बताउनुभयाे । आफ्नै पदका लागि आत्मसमर्पण गर्ने प्रधानमन्त्रीद्वारा नेपाली जनतालाई शासित हुन दिन नसकिने सांसद् घिमिरेले बताउनुभयाे ।
प्रधानमन्त्री प्रचण्डलाई नैतिक रुपमा कुर्सीमा बस्ने अधिकार नभएकाे भन्दै उहाँले प्रधानमन्त्रीले तत्काल राजीनामा दिनुपर्ने बताउनुभयाे । प्रधानमन्त्रीकाे राजीनामा नआएसम्म कार्यसूची अगाडि बढाउन नपाइने सांसद् घिमिरेले बताउनुभयाे ।
