काठमाडाैं । नेकपा एमालेका सांसद् रघुजी पन्तले प्रधानमन्त्री पुष्पकमल दाहाल प्रचण्डले राजीनामा दिनुपर्ने बताउनुभएकाे छ ।
संघीय संसद् भवन परिसरमा सञ्चारकर्मीसँग कुरा गर्दै सांसद् पन्तले आफ्नो अभिव्यक्ति गलत थियो भनेर स्वीकारेपछि प्रधानमन्त्रीले नैतिकताका आधारमा राजीनामा दिनुपर्ने बताउनुभयाे ।
नबाेल्नुपर्ने कुरा बाेलेँ पनि भन्ने अनि राजीनामा दिन्न भन्न मिल्छ भन्दै उहाँले प्रश्न गर्नुभयाे । 'मैले गल्ती गरेँ पनि भन्ने, मैले नबाेल्नुपर्ने कुरा बाेलेँ भनेर पनि भन्ने ? फेरि म प्रधानमन्त्री छाेड्दिन भन्न मिल्छ, हामीले याे गम्भीर विषय हाे, याे विषयमा देशका जनतालाई बुझाउनुपर्छ, संसद्मा बाेलेर मात्र पुग्दैन, त्यसकाे गम्भीरतालाई बुझाउन राजीनामा माग्दै संसद् अवरुद्ध गर्नुपर्छ, याे विषयमा जनताकाे बीचमा राजनीतिक दलकाे बीचमा व्यापक छलफल हुनुपर्छ र प्रधानमन्त्रीले बाेलेकाे कुरा गलत थियाे भन्ने कुरा सावित गर्नुपर्छ भनेका थियाैं, त्याे कुरा हामीले साबित गर्याैं, मैले प्रधानमन्त्रीका रुपमा जे बाेलेँ त्याे नबाेल्नुपर्थ्याे भनेपछि, हाम्रो विजयी भयो, नैतिक रुपले हामीले आफ्ना कुरा स्थापित गर्याैं'- सांसद् पन्तले बताउनुभयाे ।
गल्ती स्वीकारेपछि नैतिक रुपमा प्रधानमन्त्री पदमा बसिरहन नमिल्ने उहाँले बताउनुभयाे । सांसद् पन्तले भन्नुभयाे । 'प्रधामन्त्रीकाे जवाफले पनि पुष्टि गर्याे, मैले त्यसरी नबाेल्नुपर्थ्याे म त्यसलाई रियलाइज् गर्छु भनेर प्रधानमन्त्रीले भनिसकेपछि उहाँ नैतिक रुपमा प्रधानमन्त्री पदमा बस्न हुन्थेन राजीनामा गर्नुपर्थ्याे, बहुमतका आधारमा रहन्छु भन्नुहुन्छ भने उहाँमाथि छाड्देऔं ।'
प्रधानमन्त्रीले साेमबार प्रतिनिधि सभाकाे दिएको स्पष्टिकरण चित्तबुझ्दो नरहेको पनि उहाँले बताउनुभयाे ।
