काठमाडाैं । नेकपा एमालेका सांसद् गाेकुल प्रसाद बाँस्काेटाले गुठीसम्बन्धी समस्या तत्काल समाधान गर्न सरकारकाे ध्यानाकर्षण गराउनुभएकाे छ ।
आइतबार बसेकाे प्रतिनिधि सभा बैठककाे आकस्मिक समयमा बाेल्दै सांसद् बास्काेटाले पुस्तौदेखि जोतिरहेका व्यक्तिका नाममा जग्गा दर्ता गर्न पनि माग गर्नुभयाे । उहाँले भन्नुभयाे - 'देशैभर एउटा समस्या छ विगतदेखि अहिलेसम्म, त्याे हाे गुठीसम्बन्धी समस्या, सरकार र राजनीतिक दल सबै समाजवादी हाैं भन्छाैं र किसानलाई न्याय दिन्छाैं भन्छाैं, तर जसले जमिन जाेतिरहेकाे छ पुस्ताैपुस्तादेखि, तिनका बाउ बराजे सबै बितिसके, आजपनि उनकाे जमिन दर्ता हुन सकेकाे छैन, ती खाेटाे माल भएका छन् ।'
आधा सिन्धुपाल्चाेक र काभ्रेपलाञ्चाेकमा गुठी समस्या रहेकाे उहाँले बताउनुभयाे । पुस्तौदेखि जोतिरहेका व्यक्तिका नाममा जग्गा दर्ता गर्न र गुठी समस्या समाधान समाधान गर्न सांसद् बाँस्काेटाले सरकारसँग माग गर्नुभयाे । 'उनीहरुकाे जमिन छैन, तर उनीहरुले कमाइरहेका छन्, छाेराछाेरी कसरी पढाउँछन्, औषधिमूलाे कसरी गर्छन् ? याे सम्बन्धी समस्याकाे समाधान हाेस्, भुम्लुकाे ७ र ८ नम्बर वडामा नापीसम्बन्धी समस्याकाे समधान गर्न ओलीले नापीसम्बन्धी कार्यालय राखे, तर प्रचण्डले हटाए, किन हटाइयाे ? यसकाे जवाफ दिनुपर्याे' - उहाँले भन्नुभयाे ।
लम्पी स्किन फैलिरहेकै बेला अहिले बीमा गरिएका पशुकाे बीमा गर्न बन्द गरिएकाे भन्दै सांसद् बाँस्काेटाले आपत्ति जनाउनुभयाे ।
