काठमाडाैं । नेकपा एमालेका सांसद् बिमला घिमिरेले दिनुहँ सुन तस्करीका विषय सार्वजनिक हुनु गम्भीर भएकाे बताउनुभएकाे छ ।
बिहीबार बसेकाे राष्ट्रिय सभा बैठककाे शून्य समयमा बाेल्दै सांसद् घिमिरेले केही दिनअघि इलेक्ट्रिक सिग्रेटमा लुकाएर ल्याइएकाे सुन मिलेमताेमा छुटाउन प्रयास भएकाे समाचार आइरहेकै बेला फेरि बुधबार राति करिब सय किलाे सुन बरामद भएकाे बताउनुभयाे ।
त्रिभुवन अन्तर्राष्ट्रिय विमानस्थलजस्ताे संवेदनशील ठाउँकाे सुरक्षा प्रणाली र भन्सार प्रशासन जाेडिनु गम्भीर विषय भएकाे उहाँले बताउनुभयाे ।
साे प्रकरणमा सरकारमा रहेका दल समेत जाेडिनु लज्जास्पद विषय भएकाे समेत सांसद् घिमिरेले बताउनुभयाे । उहाँले भन्नुभयाे - 'विमास्थलकाे सुरक्षा घेरालाई पार गरेर बाहिर आएकाे करिब सय किलाे सुन राजश्व विभागले समातेकाे भन्ने सुनियाे, एयरपाेर्टजस्ताे संवेदनशील ठाउँकाे सुरक्षा प्रणाली र भन्सार प्रशासन समेत यसमा जाेडिएकाे देखिनु गम्भीर विषय हाे, त्यसमाथि सरकार सञ्चालकहरु समेत यसमा जाेडिनु लज्जास्पद विषय हाे ।'
काठमाडाैंकाे फाेहाेर नउठेकाे भन्दै उहाँले यसमा गम्भीर हुन सरकारकाे ध्यानाकर्षण गराउनुभयाे । पञ्चरेडाँडा र सिसडाेलका बासिन्दाले सहमति कार्यान्वयन नभएकाे भन्दै फाेहाेरका गाडी राेकेकाे कुरा आएकाे भन्दै सांसद् घिमिरेले यसकाे अल्पलीन र दीर्घकालीन समाधान खाेज्न तीनै तहका सरकार र सराेकारवालाकाे ध्यानाकर्षण गराउनुभयाे ।
