काठमाडौं । नेकपा एमालेका सांसद गोकुल बास्कोटाले सुन तस्करी काण्डकाे अनुसन्धान गर्न उच्चस्तरीय छानबिन समिति बनाउने विषयमा सरकारले भाेलिसम्मकाे समय मागेकाे बताउनुभएकाे छ ।
साेमबार नयाँ बानेश्वरस्थित संघीय संसद् भवन परिसरमा सञ्चारकर्मीसँग कुरा गर्दै सांसद् बाँस्काेटाले सय किलाे सुन तस्करी काण्डकाे अनुसन्धानका लागि उच्चस्तरीय छानबिन समिति बनाउनुपर्ने र सत्यतथ्य बाहिर ल्याउनुपर्ने बताउनुभयाे ।
उहाँले भन्नुभयाे - 'सरकारले हाम्राे कुरा सुनेकाे छैन, सरकारले भाेलिसम्मकाे समय मागेकाे छ, यसले राष्ट्रकाे बदनाम भयाे, राजस्व छली भयाे, त्यसैले सरकारले अविलम्ब त्यो विषयलाई गम्भिरतापूर्वक छानबिन गरेर दोषी पत्ता लगाएर कारबाही गर्ने काम गर्नुपर्याे, खाली स्टण्टबाजी देखाएर यो गर्छु र त्यो गर्छु भन्ने यो फाइल खुल्छ त्यो फाइल खुल्छ भन्नुको अर्थ हुँदैन, पहिला खुलेका फाइलको टुंगो लगाउ न, बाँकी अरु खोल्दै जाँउला हाम्राे भनाइ हाे ।'
प्रहरीले छानबिन गरिरहेका बेला किन अर्काे समिति माग गर्नुभयाे भन्ने सञ्चारकर्मीकाे प्रश्नमा उहाँले सरकारले गलत गर्दा टुलुटुलु हेरेर बस्नुपर्ने हाे भन्दै प्रतिप्रश्न समेत गर्नुभयाे । उहाँले भन्नुभयाे - 'यो अपराध भो, त्यसो भए हामी हात बाँधेर बस्नु त ? केही नगरौं होइन त ? प्रचण्डजीकी जय भनेर बसौं हामी ? हाे ? अनि गठबन्धनकी जय भनौं ? काे थियाे त्यसमा त्याे कुरा पत्ता लगाउनुपर्छ भन्ने हाम्राे माग हाे, कि सरकार त्याे चाहँदैन ? सरकारले त्याे कुरा लुकाउन खाेजेकाे हाे ?' सबैलाई विश्वास हुनेगरी छानबिन समिति बनाउनुपर्ने बताउनुभयाे ।
सांसद् बाँस्कोटाले अनियमितताको प्रश्न उठिसकेपछि ढाकछोप गर्नतर्फ नलागेर सरकार निष्पक्ष छानबिन गर्नुपर्ने बताउनुभयाे । उहाँले भन्नुभयाे - 'सरकारले जे साँचो हो, त्यो बाहिर ल्यायाओस् न, अनेक मानिसका विषयमा तनाव लिन नि परेन, की सरकार अनुसन्धान गर्न चाहँदैन ? प्रश्न उठिसकेपछि ढाकछोप गर्ने होइन, खुला हुनुपर्छ ।'
सरकारले बनाउने समितिमा जाे भएपनि आपत्ति नहुने भन्दै उहाँले सत्थ्यतथ्य छानबिन हुनुपर्ने बताउनुभयाे । सरकारले सदनलाई बिजनेस दिन नसकेकाे र संसदीय समितिकाे नेतृत्व पनि चयन गर्न नसकेकाे भन्दै सांसद् बाँस्काेटाले आपत्ति जनाउनुभयाे । 'सरकारले सत्तामात्रै चलाउने हाे कि देश पनि चलाउने हाे ? जनताले, देशले सामना गरेका प्रश्नहरुकाे सामना गरेका प्रश्नहरुकाे समाधान गर्ने ठाउँ जहाँ कानुनी तह संसद्बाट हुन्छ ति कुराकाे निरुपण गर्न नखाेज्ने हाे भने अनि हामीमाथि, संसदीय व्यवस्थामाथि, प्रणालीमाथि आलाेचना हुन्छ कि ? केही मानिसले कुर्सीकाे झण्डा हल्लियाे ढल्याे भन्नेमा हामी रमाउँछाैं ।'
एमालेले कुनै पनि समितिमा भागबण्डा नखाेजेकाे बताउँदै सांसद् बाँस्काेटाले भन्नुभयाे - 'प्रमुख प्रतिपक्षलाई कुनै समिति दिन सरकारलाई मन लागेन भने नदेओस्, तर प्रणालीकाे रक्षा गर्नुपर्याे, यस विषयमा सरकारकेा दृष्टिकाेण के हाे ? प्रश्न उठिसकेपछि ढाकछोप गर्ने होइन, खुला हुनुपर्याे भन्ने हाम्राे भनाइ हाे ।'
संसद् एमालेका कारण नभइ सरकारकै कारण राेकिएकाे भन्दै उहाँले आफूहरुले समितिकाे माग गर्दा सरकारले यसमा धारणा बनाउँन बाँकी छ भनेर आजकाे बैठक राेकेकाे बताउनुभयाे । सरकारले रमिता देखाइरहेकाे सांसद् बाँस्काेटाले बताउनुभयाे ।
