काठमाडौं । नेपाली कांग्रेसका सांसद् अर्जुननरसिंह केसीले सरकारको मिलेमतो बिना त्रिभुवन अन्तर्राष्ट्रिय विमानस्थलबाट एक क्विन्टल सुन बाहिरिनै नसक्ने बताउनुभएकाे छ ।
बिहीबार सिंहदरबारमा सञ्चारकर्मीसँग कुरा गर्दै सांसद् केसीले सुन तस्करी काण्डमा सरकारकाे संलग्नता देखिएकाे बताउनुभयाे । उहाँले भन्नुभयाे - 'एउटा सियाे, एउटा माेबाइल, २ ताेला सुन एक्सरे गरेर हेर्न सक्ने एयरपाेर्ट, सत्तामा बसेका शक्तिसम्पन्न व्यक्तिहरुकाे काहीँ मिलेमताे र संलग्नता नभइकन एक क्विन्टल सुन विमानस्थलबाट बाहिर निस्किन्छ ?'
सांसद् केसीले सुन तस्करी काण्डकाे अनुसन्धानका लागि जाँचबुझ एेनअनुसार एउटा निष्पक्ष र पारदर्शी उच्चस्तरीय न्यायिक समिति गठन गर्नुपर्ने बताउनुभयाे ।समिति गठन गर्दा सीआईबीकाे काम प्रभावित नहुने समेत उहाँले बताउनुभयाे । 'उच्चस्तरीय न्यायिक समिति गठन गराैं, सर्वाेच्चकाे अदालतकाे न्यायाधीश, न्यायाधीश, अथवा पूर्व न्यायाधीशलाई समितिमा राखाैं, त्यस्ताे समिति गठन गर्दा सीआईबीले अहिले जुन काम गरिरहेकाे छ त्यसकाे प्रभावकारीता जुन छ त्याे प्रभाकारीतालाई नियन्त्रण र दख्खल गर्ने नभएर, सीआईबीकै प्रमुखलाई पनि त्याे समितिमा राख्न सकिन्छ'- नेता केसीले भन्नुभयाे ।
एमालेले उठाएकाे उच्चस्तरीय समिति गठनमा आफ्नाे सहमति भएकाे भन्दै उहाँले संसद् पनि खुलाउँदै अघि बढ्नुपर्ने बताउनुभयाे । सांसद् केसीले संसद् बन्धक राख्ने कुरा प्रमुख प्रतिपक्षको स्वभावका रुपमा परिणत हुँदै गएको पनि बताउनुभयाे ।
