काठमाडाैं । नेकपा एमाले काेशी प्रदेश संसदीय दलका प्रमुख सचेतक रेवतीरमण भण्डारीले बहुमत पुर्याउने नाममा संविधान र कानुनकाे हुर्मत लिने प्रयास नगर्न गठबन्धन सरकारलाई चेतावनी दिनुभएकाे छ ।
साेमबार बसेकाे प्रदेश सभा बैठकमा मुख्यमन्त्री उद्धव थापाले पेस गर्नुभएकाे विश्वासकाे मत माग्ने प्रस्तावमाथिकाे छलफलमा बाेल्दै प्रमुख सचेतक भण्डारीले विगतमा जस्तै कुनै पनि असंवैधानिक काम नगर्न चेतावनी दिनुभयाे ।
फेरि पनि संविधान र कानुनकाे हुर्मत लिएर गैरसंवैधानिक रूपमा विश्वासकाे मत लिन खोजिएकाे भन्दै उहाँले यसलाई एमालेले सामान्य रुपमा नलिने बताउनुभयाे । 'संविधान र कानुनकाे हुर्मत लिने प्रयास तपाइँहरुले धेरै पटक लिनुभयाे, अब पनि संविधान र कानुनकाे हुर्मत लिने प्रयास नगर्नुस्, संविधान र कानुनकाे विषयलाई आफ्नाे स्वार्थपूर्तिका निम्ति व्याख्या गर्ने दुस्प्रयास नगर्नुस्, त्यस्ताे प्रयास भए एमालेले त्यसलाई सामान्य ढंगले लिनेछैन, त्यही अनुसार काम अगाडि बढाउनेछ'- उहाँले भन्नुभयाे ।
तत्कालीन सभामुख बाबुराम गाैतमलाई प्रयाेग गरेर जबरजस्ती बहुमत पुर्याउन संविधानकाे हुर्मत लिनेहरुले नैतिकताकाे कुरा गर्न नसुहाउने प्रमुख सचेतक भण्डारीले बताउनुभयाे । सभामुखलाई प्रदेश सभाका हैसियतमा हस्ताक्षर गराउने, मन्त्री उपहार दिने शर्तमा सभामुखलाई नै राजीनामा गराएर बहुमत पुर्याइ पुन: मुख्यमन्त्री नियुक्त हुनु, सर्वाेच्च अदालतले नयाँ सरकार नबनुञ्जेलसम्म हिक्मत कार्की नै मुख्यमन्त्री भनेर आदेश दिँदा काम गर्न राेक लगाएर ६ दिनसम्म सरकारबिहीनताकाे अवस्था सृजना गर्नु, शपथ ग्रहण समाराेहमा निर्वतमान मुख्यमन्त्रीका लागि कुर्सी नै नराख्नु जस्ता असंवैधानिक काम गठबन्धन सरकारले गरेकाे उहाँले बताउनुभयाे ।
सभामुखकाे समेत जिम्मेवारी सम्हाल्नुभएका उपसभामुख सिर्जना दनुवारकाे अनुपस्थितिलाई लिएर भएका टिकाटिप्पणीप्रति कडा आपत्ति जनाउँदै प्रमुख सचेतक भण्डारीले कसैकाे स्वास्थ्य संवेदनशीलतामाथि टिप्पणी नगर्न चेतावनी दिनुभयाे । उपसभामुख दनुवारले संवैधानिक, संसदीय र कानुनसम्मत जिम्मेवारी दिएर अस्पताल जानुभएकाे उहाँले प्रष्ट पार्नुभयाे । प्रमुख सचेतक भण्डारीले भन्नुभयाे - 'सभामुखकाे पद छँदाछँदै, तपाइँ त प्रदेश सभा सदस्य हाे भनेर हस्ताक्षर गराएर नेपालकाे संविधानकाे खिल्ली उडाएकाे कुरा इतिहासले बिर्सँदैन मैले भन्या हाे ? सर्वाेच्चका ३ जना न्यायाधीशले उक्त हस्ताक्षर गैरसंवैधानिक छ, बदरयाेग्य छ भनेर भनेकाे कुरा बिर्सिनुभयाे ?'
सर्वाेच्चले नयाँ सरकार गठन नहुञ्जेलसम्म हिक्मत कार्की नै मुख्यमन्त्री रहने आदेश दिँदादिँदै पनि कार्यालयमा जान्छ भनेर ताला लगाउने, प्रहरी र प्रशासनकाे दुरुपयाेग गर्ने काम गठबन्धनले गरेकाे उहाँले बताउनुभयाे । प्रमुख सचेतक भण्डारीले प्रश्न गर्नुभयाे - 'कसले ताला लगाउने आदेश दियाे ? छैटाैं दिनसम्म सरकारबिहीनता हुन्छ ? कुनै पनि देशमा सरकारबिहीनता एक मिनेट पनि हुँदैन, त्याे ठिक थियाे ? गठबन्धनसँग सरकार छ, मुख्यमन्त्रीलाई दिने सेवा सुविधा उहाँकाे हातमा छ भन्दैमा मुलुककाे संविधान मूल्य र मान्यता ठाडै कुल्चिने कुरालाई स्मरण नगरी आज अर्ति उपदेश र नैतिकताकाे कुरा गर्न सुहाउँछ ?'
गठबन्धन दलले सहमतीय सरकारकाे कुरा गर्नै नसुहाउने समेत उहाँले बताउनुभयाे । प्रमुख सचेतक भण्डारीले प्रश्न गर्नुभयाे - 'कुन मुख्यमन्त्रीकाे उत्तराधिकारी हाे तपाइँ ? मुख्यमन्त्रीकाे पद कसले हस्तान्तरण गर्याे तपाइँलाई ? शपथ ग्रहण समाराेहमा निर्वतमान मुख्यमन्त्रीकाे कुर्सी समेत छैन त्यतिसम्म अहिष्णु र अनुदारवाद अनि दलीय सहमतिकाे कुरा गर्न सुहाउँछ मुख्यमन्त्रीज्यू ? गल्ती भयाे भन्न सक्नुभयाे तपाइँले ? त्याे चानचुने कुरा हाे ? मैले सुनिन कि उहाँले भन्नुभएन प्रमुख प्रतिपक्ष दलका सांसद्सँग विश्वासकाे मत माग्नुभएन सायद त्यही भएर हाेला ।'
विधेयककाे हकमा बराबर भए मात्रै मात्रै सभामुख र सभाध्यक्षले मत हाल्न पाइने संवैधानिक व्यवस्था रहेकाे उहाँले स्मरण गराउनुभयाे । कानुन र संविधानकाे धज्जी उडाउने कामकाे प्रारम्भ गठबन्धन दलले नै गरेकाे भन्दै प्रमुख सचेतक भण्डारीले एमालेका सांसद् कानुनसम्मत रुपमा बिदा बसेकाे प्रष्ट पार्नुभयाे । उहाँले भन्नुभयाे - 'एमालेका सांसद् संवैधानिक रुपमा पत्र पठाएर बिदा बस्दा गलत हुने, अनि हिजाे चुपचाप अनुपस्थित हुँदा विषय नबन्ने ? कानुनकाे पालना गर्दा टिप्पणी हुने सभामुखलाई प्रदेश सभाकाे सदस्य भनेर हस्ताक्षर गराउँदा नैतिक हुने ? उहाँले अन्तिमसम्म पनि सभामुख छाेड्दिन भन्नुभयाे, पछि वाध्य भएँ भन्नुभयाे, हामीलाई ४७ पुर्याइदिने तपाइँलाई मन्त्री दिन्छाैं याे लज्जास्पद हाेइन ?'
