काठमाडाैं । नेकपा एमाले राष्ट्रिय सभा संसदीय दलका नेता देवेन्द्र दाहालले विवादास्पद भारतीय धर्मगुरु बागेश्वर बाबा (धीरेन्द्रकृष्ण शास्त्री) लाई नेपाल सरकारका मन्त्रीले भेटेकाेमा आपत्ति जनाउनुभएकाे छ ।
मंगलबार बसेकाे राष्ट्रिय सभा बैठकमा बाेल्दै नेता दाहालले नेपालमा आएर नेपालकै राष्ट्रियतामाथि धावा बाेल्ने ती धर्मगुरुलाई भेटेकाे विषयमा स्वयम् गृहमन्त्री, परराष्ट्रमन्त्री वा सरकारले सदनलाई जवाफ दिनुपर्ने बताउनुभयाे ।
कथित धर्मगुरुले नेपालमा आएर बाेलेका-गरेका गतिविधि, अभिव्यक्ति र तिनलाई लाइन लागेरै भेट्नुकाे कारणबाट गृहमन्त्री र परराष्ट्रमन्त्रीले सदनलाई जवाफ दिनैपर्ने उहाँले बताउनुभयाे । नेता दाहालले भन्नुभयाे - 'यस्ता जनता ठग्ने, नेपालकाे राष्ट्रियता, सार्वभाैमिकता, स्वतन्त्रता र अस्मितामाथि धावा बाेल्ने, नेपाल विराेधी पण्डालाई देश निकाला गर्नुपर्नेमा, हाम्राे देशका गृहमन्त्री र परराष्ट्रमन्त्री समेत लाइन लागेर काठमाडाैंमा भेट्न गएकाे भन्ने खबर आएकाे छ, यस्काे वास्तविकता के हाे ? स्वयम् गृहमन्त्री, परराष्ट्रमन्त्री र सरकारले यसकाे जवाफ दिनुपर्छ, यी ठग व्यक्ति भारतमा मुद्दा लागेका व्यक्ति हुन्, यिनले नेपालमा आएर विभिन्न हर्कत गरिरहेका छन्, नवलपरासीका जनतालाई ठगिरहेका छन् ।'
कथित धर्मगुरु बागेश्वर बाबाले नेपाल भारतकाे अभिन्न अंग हाे भनेर नेपालकाे राष्ट्रियतामाथि धावा बाेलेका भन्दै उहाँले आपत्ति जनाउनुभयाे । भारतमा मुद्दा लागेका, जनता ठग्ने र नेपालकाे राष्ट्रियतामाथि धावा बाेल्ने ती ठग बाबालाई कुन हैसियतमा नेपालकाे पशुपतिनाथ मन्दिरमा स्वागत गरियाे भन्दै उहाँले प्रश्न गर्नुभयाे ।
उहाँले डेंगु नियन्त्रण गर्न र लम्पी स्किन प्रभावित किसानलाई तत्काल राहत उपलब्ध गराउन सरकारकाे ध्यानाकर्षण समेत गराउनुभयाे । नेता दाहालले आँखा पाक्ने राेग, बाढीपहिराे नियन्त्रणमा पनि उचित कदम चाल्न सरकारकाे ध्यानाकर्षण गराउनुभयाे ।
उहाँले प्रतिपक्षका कारण नभएर सरकारका कारण सदन अवरुद्ध भएकाे समेत बताउनुभयाे ।
