काठमाडौं । प्रतिनिधि सभा सदस्य श्यामकुमार घिमिरेले संसदीय क्षेत्र विकास कोषको रकम खर्च नगर्न सर्वोच्च अदालतले दिएको आदेशले न्यायपालिकाले संसद्को अधिकार खोसेको बताउनुभयो ।
बिहीबार प्रतिनिधि सभा बैठकको विशेष समयमा बोल्दै अदालतको व्याख्याले संवैधानिक संरचनालाई खलबल्याउने काम गरेको घिमिरेले बताउनुभयो । ‘संसद्को अधिकार क्षेत्र भित्र कसैलाई पनि प्रवेश गर्ने अधिकार छ कि छैन भन्ने कुरा महत्पूर्ण हो’, उहाँले भन्नुभयो ।
संसद्ले कानु नै बनाएर ल्याएको सो बजेट संविधानसँग कहाँ बाझिएको छ ? भन्दै उहाँले प्रश्न गर्नुभयो । कार्यपालिकाको क्षेत्रमा न्यायपालिका प्रवेश गर्ने, न्यायपालिकाको क्षेत्र भित्र कार्यपालिका प्रवेश गर्ने हो भने मुलुकको अवस्था के होला ? भन्दै उहाँले प्रश्न गर्नुभयो । उहाँले सैद्धान्तिक विषयमा सबै सांसद् एक हुनु पर्ने बताउनुभयो ।
उहाँले प्रजातन्त्र र लोकतन्त्रको भविष्य माथि यसले गम्भीर संंकट उत्पन्न गर्ने उहाँले बताउनुभयो । लोकतन्त्रको आधारभूत सिद्धान्तलाई नमान्दा लोकतन्त्र नै संकटमा पर्ने गरेको उहाँले उदाहरण सुनाउनुभयो ।
