सरकार हिंसात्मक गतिविधिमा संलग्नलाई प्रोत्साहित गर्दै छ : महेश बर्तौला

काठमाडौं । प्रतिनिधि सभा सदस्य महेश बर्तौलाले संसद् सरकारको औपचारिकता पूरा गर्ने ठाउँ मात्र भएको बताउनुभएको छ ।

मंगलबार प्रतिनिधि सभा बैठकमा केही नेपाल ऐनलाई संशोधन गर्न बनेको विधेयक २०८० माथिको सैद्धान्तिक छलफलमा भाग लिँदै बर्तौलाले सरकारले कानुन बनाएर केवल पास गर्न मात्रै संसद्मा ल्याउने गरेको बताउनुभयो । यसको अन्त्यको लागि सभामुखले रुलिङ गर्नुपर्ने माग समेत उहाँले गर्नुभयो ।

गम्भीर फौज्दारी प्रकृतिका घटनालाई समेत सरकारले असाध्यै हल्का ढङ्गले लिएकोमा उहाँले आपत्ति जनाउनुभयो । सरकारले हिंसात्मक गतिविधि गर्नेलाई प्रोत्साहन गर्ने गरी विधेयक ल्याएको उहाँले उहाँले बताउनुभयो । ‘हिंसात्मक गतिविधि गर्नेहरू अपराधी हुन् कि, राजनीतिक समूह हुन्’, उहाँले भन्नुभयो ।

सरकार हिंसात्मक गतिविधिमा संलग्नलाई समेत माफी दिन सकिने र मुद्दा फिर्ता लिन सकिन्छ भन्ने रूपमा आएको उहाँले बताउनुभयो ।