काठमाडौं । प्रतिनिधि सभा सदस्य ज्ञानबहादुर शाहीले क्रिकेट खेलाडीलाई दिने भनेर गरिएको बाचा गरिएको रकम समेत नदिएको भन्दै आलोचना गर्नुभएको छ ।
सोमबार प्रतिनिधि सभा बैठकमा बोल्दै नेपाली खेलाडीले राज्यबाट पाउने भनिएको प्रतिव्यक्ति १७ लाख भन्दाबढी रकम हालसम्म सरकारले नदिएको भन्दै उहाँले आलोचना गर्नुभयो । नेपाली खेलाडी अहिले पनि खाली पेटले खेलिरहेका उहाँले बताउनुभयो । ‘खेलाडीलाई दिने भनिएको रुपैँया अहिलेसम्म किन रोकिराखेको ?’, उहाँले भन्नुभयो ।
नेपाली खेलाडीलाई जितको शुभकामना दिइरहँदा प्रधानमन्त्रीलाई लज्जा बोध हुनु पर्ने शाहीले बताउनुभयो । प्रधानमन्त्रीले कुन मुखले खेलाडीलाई जितको शुभकामना दिँदै हुनुहुन्छ ? भन्दै उहाँले प्रश्न गर्नुभयो ।
शाहीले कर्णाली राजमार्गमा बारम्बार दुर्घटना हुने र मानिसहरूको ज्यान जाने गरेको भन्दै सो सडकको गुणस्तर सुधारको माग गर्नुभयो । कर्णाली राजमार्ग मृत्यु मार्गको रूपमा परिणत भएको उहाँले बताउनुभयो ।
