काठमाडाैं । नेपाली कांग्रेसका सांसद् गगन थापाले पार्टीका सहमहामन्त्री महेन्द्र यादवमाथि भएकाे आक्रमणकाे निन्दा गर्नुभएकाे छ ।
बिहीबार बसेकाे प्रतिनिधि सभा बैठककाे सुरुमा बाेल्दै सांसद् थापाले सहमहामन्त्री यादवमाथि भएको आक्रमणकाे गहिराे अनुसन्धान गर्न सरकारसँग माग गर्नुभयाे ।
सामसुम पार्ने काेशिस भइरहेकाे भन्दै उहाँले याे विषयकाे गहिराे अनुसन्धान गर्न उहाँले माग गर्नुभयाे । 'कांग्रेसका सहमहामन्त्री महेन्द्र यादवमाथि हिजाे मध्यान्ह काठमाडाैंमा सांघातिक आक्रमण भएको छ, चिकित्सकहरुकाे भनाइ अनुसार उहाँ भाग्यले बाँच्नुभएकाे छ, सांघातिक आक्रमण गर्ने मान्छे पक्राउ परेकाे छ, तर एउटा सन्काहले सन्केर हान्याे भनेर थामथुम पार्न खाेजिँदैछ, यो विषयको गहिरो अनुसन्धान होस्, यो सँग जोडिएका अरु पक्षबारे पनि अनुसन्धान होस्'- सांसद् थापाले भन्नुभयाे ।
समाजको असन्तुष्टि देखाएर हिंसात्मक घटनालाई प्रोत्साहन गर्न खोजिएको भन्दै उहाँले गृहमन्त्री नारायणकाजी श्रेष्ठलाई प्रश्न समेत गर्नुभयाे । 'म गृहमन्त्रीलाई साेध्न चाहान्छु - के हामी अब काठमाडाैंमा एक्लै हिँड्न नमिल्ने भएकाे हाे ? कोही जलाइदिन्छु भन्छ, कोही खुकुरी हान्छ, हामी एक्लै हिँड्न हुने हाे कि हाेइन ?'- सांसद् थापाकाे प्रश्न छ ।
प्रधानमन्त्री र गृहमन्त्रीलाई याे घटनाले पाेल्नुपर्ने पनि समेत उहाँले बताउनुभयाे ।
