काठमाडाैं । नेकपा एमालेका सचेतक महेश बर्ताैलाले सत्तारुढ दल नेपाली कांग्रेसका सहमहामन्त्री महेन्द्र यादवमाथि भएको आक्रमणकाे जिम्मा प्रधानमन्त्री पुष्पकमल दाहाल प्रचण्डले लिनुपर्ने बताउनुभएकाे छ ।
बिहीबार बसेकाे प्रतिनिधि सभा बैठकमा बाेल्दै सचेतक बर्ताैलाले कांग्रेस सहमहामन्त्री महेन्द्र यादवमाथि भएको सांघातिक हमलाकाे भर्त्सना गर्नुभयाे । यस घटनाकाे प्रधानमन्त्री प्रचण्डले जिम्मा लिनुपर्ने र सदनमा जवाफ दिनुपर्ने उहाँले माग गर्नुभयाे ।
सरकारले यस घटनालाई गम्भीर रुपमा लिएर सदनमा आएर जवाफ दिनुपर्ने सचेतक बर्ताैलाले बताउनुभयाे । यस्ता घटना देशका विभिन्न ठाउँमा भइरहेका भन्दै उहाँले यस्ता घटनाकाे छानबिन गर्नुपर्ने बताउनुभयाे ।
हिजाे प्रमुख प्रतिपक्षका नेतालाई र आज सत्तापक्षका नेतालाई छानिछानी आक्रमण हुन थालेकाे भन्दै सचेतक बर्ताैलाले भन्नुभयाे - 'प्रमुख प्रतिपक्षी दलका नेता जनताबीच जाँदाखेरि विभिन्न खालका धावा बाेलिने, आक्रमण हुने,याे क्रम वितगदेखि नै श्रृंखलाबद्ध रुपमा चलिरहेको थियो, हिजो प्रतिपक्षीलाई थियो, ध्यान कम दिइयो, आज सत्तापक्षका नेतामाथि खोजीखोजी आक्रमण भइरहेको छ ।'
काठमाडाैंकाे मध्यभागमा यस्ता घटना हुनु दु:खद भएकाे उहाँले बताउनुभयाे ।
