काठमाडौं । राष्ट्रिय सभा बैठकले संविधान सभा अध्यक्ष, पूर्व सभामुख एवं वर्तमान प्रतिनिधि सभा सदस्य स्वर्गीय सुवासचन्द्र नेम्वाङको निधन प्रति शोक व्यक्त गरेको छ ।
बिहीबार बसेको राष्ट्रिय सभा बैठकले शोक प्रस्ताव पारित गरेको हो । राष्ट्रिय सभा अध्यक्ष गणेश तिमल्सिनाले सभामा शोक प्रस्ताव पारित गरियोस् भन्ने प्रस्ताव पेस गर्नुभएको थियो । शोक प्रस्तावलाई सभाले सर्वसम्मत रूपमा पासा गरेको छ ।
बैठकमा नेम्वाङको शोकमा एक मिनेट मौन धारण गरिएको थियो । राष्ट्रिय सभाको अर्को बैठक असोज १२ गते शुक्रबार बस्ने छ ।
नेकपा एमाले उपाध्यक्ष तथा प्रतिनिधि सभामा एमाले संसदीय दलका उपनेता समेत रहनु भएका स्वर्गीय नेम्वाङको मंलबार बिहानीपख ह्रदयघातको कारण निधन भएको थियो । उहाँको बिहीबार पशुपति आर्यघाटमा अन्तिम संस्कार गरिएका छ ।
