काठमाडाैं । प्रधानमन्त्री पुष्पकमल दाहाल प्रचण्डले सुन तस्करी काण्डकाे अनुसन्धानका लागि उच्चस्तरीय छानबिन आयोग बनाउने प्रक्रिया अघि बढेको बताउनुभएकाे छ ।
शुक्रबार बसेकाे प्रतिनिधि सभा बैठकमा आफ्नो चीन भ्रमण र संयुक्त राष्ट्रसंघको ७८औं महासभाको औपचारिक भ्रमणबारे जानकारी गराउने क्रममा उहाँले अवैध सुन तस्करीबारे पूर्व सहमतिअनुसार उच्चस्तरीय छानबिन आयोग बनाउने प्रक्रिया अघि बढेको बताउनुभयाे ।
'अवैध सुन तस्करीको सम्बन्धमा सीआईबीले अनुसन्धान पूरा गरी प्रतिवेदन बुझाइसकेको छ, यसअघि भएको सहमतिअनुसार उच्चस्तरीय छानबिन आयोग बनाउने प्रक्रिया अगाडि बढेको समेत यस सम्मानित सदनलाई जानकारी गराउन चाहन्छु'- प्रधानमन्त्री प्रचण्डले भन्नुभयाे
यसअघि सत्ता र प्रतिपक्ष दलबीच सुन तस्करी प्रकरणमा उच्चस्तरीय छानबिन गर्न असाेज ५ देखि उच्चस्तरीय छानबिन आयोग बनाउने सहमति भएको थियो ।
