काठमाडाैं । नेपाल मजदूर किसान पार्टीका सांसद् प्रेम सुवालले शिक्षककाे अभिव्यक्ति स्वतन्त्रता हनन नगर्न सरकारकाे ध्यानाकर्षण गराउनुभएकाे छ ।
आइतबार बसेकाे प्रतिनिधि सभा बैठकमा विद्यालय शिक्षा सम्बन्धी विधेयकमा विराेधकाे सूचना प्रस्तु गर्दै सांसद् सुवालले विधेयकमा शिक्षककाे अभियक्ति स्वतन्त्रता हनन गरिने खालका प्रावधान राखिएकाे भन्दै आपत्ति जनाउनुभयाे । उहाँले भन्नुभयाे - 'विधेयकमा शिक्षकहरुकाे अभिव्यक्ति स्वतन्त्रता हनन् गरिएकाे छ, शिक्षकले भ्रष्टाचार, महंगी, केहीबारे बाेल्न पाउँदैन, त्याे संशाेधन गरियाेस् ।'
सांसद् सुवालले शिक्षककाे सेवा सुविधा बढाउन पनि सरकारसँग माग गर्नुभयाे । शिक्षकले देश र जनताकाे हितमा बाेल्न पाउनुपर्ने उहाँले बताउनुभयाे ।
शिक्षकहरुले विराेध गरिहाले लाठिचार्ज गरीहाल्ने काम सरकारले गरिरहेकाे भन्दै उहाँले त्याे प्रवृत्ति अन्त्य गर्न सरकारकाे ध्यानाकर्षण गराउनुभयाे । विधेयकमा सुवालले मात्र विराेधकाे सूचना दर्ता गर्नुभएकाे थियाे ।
