काठमाडौं । नेकपा एमालेका अध्यक्ष केपी शर्मा ओलीले सरकारको आलोचना गरेबापत सांसद अमरेशकुमार सिंहलाई पुर्जी कटाइएको र सुनिल शर्मालाई हतकडी लगाएको बताउनुभएकाे छ ।
प्रतिनिधि सभाको बैठकमा बोल्दै उहाँले सरकारको आलोचना गरेकै भरमा सांसदहरुलाई दु: ख दिइएकाे बताउनुभयाे ।
‘सरकारको विरुद्धमा बोलेवापत अमरेशकुमार सिंहलाई पुर्जी कटाइयाे । सम्पत्ति छानबिन गर्ने भन्या छ । कहिले सरकारमा ओहोदामा जानुभयो उहाँ । यतिकै रिस उठ्यो भने जे पनि गरिदिने ? सरकारको दुरुपयोग गर्ने ?' ओलीले भन्नुभयाे- '२०४६ साल हो कि कहिलेको सर्टिफिकेट कतिपल्ट हेरिसक्यो ? कतिपल्ट चलिसक्यो त्यो ? लेखेर पास गर्या कि चोरेर पास गर्या, छानबिन गर्ने रे ! त्यसका लागि थुनेर गर्नुपर्छ ।’
सरकारले बोल्यो कि खबरदार भनेर सुनिल शर्मा बनाइदिन्छौं भन्दै सांसदकाे सातो लिएको उहाँले बताउनुभयाे ।
