काठमाडाैं । प्रमुख प्रतिपक्ष दलका नेता तथा नेकपा एमालेका अध्यक्ष केपी शर्मा ओलीले सुन तस्करी, सुशासनलगायतका विषयमा उपप्रधानमन्त्री तथा गृहमन्त्री नारायणकाजी श्रेष्ठलाई प्रश्न गर्नुभएकाे छ ।
प्रतिनिधि सभाको मंगलबारको बैठकमा ओलीले उपप्रधान तथा गृहमन्त्री श्रेष्ठले हेटौंडामा दिएको अभिव्यक्ति स्मरण गराउँदै सरकारले सुशासनको अभियान चलाएको भन्न नहुने बताउनुभयाे । ओलीले भन्नुभयाे- 'सुशासन सरकारले निरन्तर कायम गर्ने हो कि अभियान हो ? सुशासन भनेको सरकारको नियमित कर्तव्य हो ? सुशासनको अभियान चलाएको त्यसलाई रोक्न विरोधी लाग्या छन् भनेर हेटौंडामा उधुम खोक्नुभयो ।'
'साढे ९ किलो सुन भेपमा पक्राउ पर्छ तपाईं ढाकछोप गर्न लाग्नुहुन्छ, १ सय किलो सुन बरामद हुन्छ' ओलीले भन्नुभयाे- 'छानबिन गर्दा के बिग्रिन्थ्यो ? महासय तपाईं किन आत्तिनुभयो स्वतन्त्र निष्पक्ष छानबिनसँग ?'
सरकारले सुशासनको काम नियमित गर्नुपर्ने, सुरक्षा दिनुपर्ने र भ्रष्टाचार रोक्नुपर्ने तथा सरकारले जनतालाई सेवा दिनुपर्ने उहाँकाे भनाइ थियाे ।
प्रतिपक्षमाथि सुशासनको अभियान रोक्न लागेको भनेर गृहमन्त्रीले गलत बोलेको ओलीले बताउनुभयाे ।
