काठमाडौं । कोशी प्रदेशका मुख्यमन्त्री केदार कार्कीले आज विश्वासको मत लिँदै हुनुहुन्छ ।
काेशी प्रदेश सभा भवन विराटनगरमा बिहान ११ बजे बस्ने बैठकमा मुख्यमन्त्री कार्कीले विश्वासकाे मत लिन लाग्नुभएकाे प्रदेश सभा सचिवालयले जनाएकाे छ ।
उहाँले कात्तिक १ काे बैठकमा विश्वासकाे मत लिने सूचना साेमबार दिनुभएकाे थियाे । एमालेका ३९ र कांग्रेसका ८ सांसद्को समर्थनमा कार्की असाेज २७ गते मुख्यमन्त्री नियुक्त हुनुभएकाे थियाे ।
मुख्यमन्त्री नियुक्त भएकाे ३० दिनभित्र प्रदेश सभाबाट विश्वासकाे मत लिनुपर्ने संवैधानिक प्रावधान छ । मुख्यमन्त्री कार्कीले भने एक सातामै विश्वासकाे मत लिन लाग्नुभएकाे हाे ।
