काठमाडौं । सभामुख देवराज घिमिरेले निर्माणाधीन संघीय संसद्को भवन दुई महिनाभित्र निर्माण सम्पन्न गर्न निर्देशन दिनुभएकाे छ ।
संसद् भवनभित्र प्रयोग गरिने प्रविधिहरुबारे जानकारी दिन मंगलबार सहरी विकास मन्त्रालयले आयोजना गरेकाे कार्यक्रमलाई सम्बाेधन गर्दै सभामुख घिमिरेले सबै शक्ति लगाएर भवन निर्माण, इन्टेरियर तथा अन्य प्राविधिक पक्षको काम गर्न निर्देशन दिनुभयाे ।
उहाँले विशेषगरी संघीय संसद्को मुख्य दुईवटा भवनहरु दुई महिनाभित्र निर्माण सम्पन्न गर्न निर्देशन दिनुभएकाे हाे । प्रतिनिधि सभा र राष्ट्रिय सभाका मुख्य बैठक कक्षमा आवश्यक प्रविधिहरु दुई महिनाभित्र जडान गरिसक्न पनि सभामुख घिमिरेले निर्देशन दिनुभएकाे उहाँकाे सचिवालयले जनाएकाे छ ।
