राष्ट्रिय सभा सदस्य डा. विमला राई पौड्यालले रुस र युक्रेन युद्धमा फसेका नेपालीहरुलाई अन्तर्राष्ट्रिय समुदायलाई गुहारेर भएपनि नेपाल फर्काउनुपर्ने बताउनुभएकाे छ ।
बुधबार बसेकाे राष्ट्रिय सभा बैठकमा बाेल्दै सांसद् पाैड्यालले उनीहरुका लागि नेपाल सरकारले केही गर्न नसके अन्तर्राष्ट्रिय समुदायलाई गुहारेर भएपनि नेपाल ल्याउन ध्यानाकर्षण गराउनुभयाे ।
कति जानेर र कति नजानेर गएका भन्दै उहाँले उनीहरु फर्कन चाहान्छन् भने रुसले रेन्पाेन्स नगर्ने भन्ने कुरै नहुने बताउनुभयाे । नेपालीहरुकाे तथ्यांक राख्न, नेपाल फर्काउन र उद्धार गर्न सरकार चुकेकाे सांसद् पाैड्यालले बताउनुभयाे । उहाँले भन्नुभयाे - 'नेपालीहरु राेएर कराएर भनिरहेका छन् हामीलाई फर्काउ, हाम्राे देशका नागरिक जानेर नजानेर पुगेका छन्, हामी फर्काउन चाहान्छाैं उनीहरु फर्किन चाहान्छन् भने रेन्पाेन्सै नगर्ने पनि हुन्छ ? अनि हामी के गरेर बसेकाे ? नेपालीहरुलाई लिँदा रसिया र युक्रेनकाे पैसा खर्च भएकाे छ भने हामी क्षतिपूर्ति दिन तयार हाैं, हाम्राे तथ्यांक लिन पर्याे, त्यहाँ भएका नेपालीलाई सकुशल फिर्ता गर्नुपर्याे, यी दुई देशका युवालाई हाम्राे देशका युवालाई तिम्राे सेनामा भर्ति नगर भनेर प्रष्टसँग भन्नुपर्याे, परराष्ट्र मन्त्रालयलाई ध्यानाकर्षण र आग्रह हाे ।'
रुस र युक्रेन युद्धमा फसेका नेपालीहकाे अभिभावकत्व सरकारले लिन नसकेको भन्दै सांसद् पाैड्यालले आपत्ति जनाउनुभयाे । उनीहरुकाे उद्धारका लागि के भइरहेकाे छ भन्नेबारे सदनमा जानकारी गराउन माग गर्दै उहाँले बताउनुभयाे । सांसद् पाैड्यालले भन्नुभयाे - 'अभिभावकत्व भनेकाे भनेर हुँदैन गरेर देखाउनुपर्छ, यहाँ अभिभावकत्व पुगेकाे छैन, यदि हामीले भनेकाे आवाज सुनिएन भने अन्तर्राष्ट्रिय समुदायलाई गुहार्न पर्छ भनेपनि गुहाराैं र हाम्रा नेपाली दाजुभाइलाई फिर्ता ल्याऔं ।'
रुसी सेनामा कति नेपाली भर्ती भएका छन् भन्ने तथ्यांक समेत सरकारसँग नहुनु लज्जाजनक रहेकाे उहाँले बताउनुभयाे । 'रुस सरकारले आफ्नाे देश भन्दा बाहिरकाे नागरिकहरु सेनामा आइरहेका छन् भनेर तथ्यांक त पक्कै राखेकाे हाेला, कति जना नेपाली छन् भनेर, हामीले त्यत्ति तथ्यांक पनि लिन सकिराखेका छैनाैं, राहत र उद्धार गर्ने त परकाे कुरा हाे'- सांसद् पाैड्यालले भन्नुभयाे ।
त्यहाँबाट फर्किएका युवाका अनुसार करिब १४-१५ हजार युवा रुस र युक्रेनकाे सेनामा रहेका भन्दै उहाँले याे नेपालका लागि बिडम्वनापूर्ण रहेकाे बताउनुभयाे । 'राहतका लागि पर्खिरहेको नेपाली, रुँदै गरेको नेपाली, रुस र युक्रेनको युद्धमा छन् त्यहाँ अहिले पनि, यो देशको बिडम्वना मान्नुपर्छ प्रहरी र सेनामा जागिर खाइरहेका नेपाली युवाहरु नेपालप्रतिको नैरश्यताले यो देशमा केही हुँदैन भनेर मर्न तयार भएर युक्रेन र रसियाको दुवैको पक्षबाट सेनामा गएका छन्, त्यहाँ सेनामा भर्ती हुनु भनेको नेपालीले नेपालीलाई मार्नका लागि तयार भएर जानु हो, त्यहाँबाट भागेर आएका युवाले भन्नुहुन्छ त्यहाँ १४-१५ हजार नेपालीहरु युक्रेन र रसियाकाे सेनामा छन् र फ्रन्टलाइनमा लडिराखेका छन् भनेर'- सांसद् पाैड्यालले भन्नुभयाे ।
हमासकाे कब्जामा रहेका विपिन जाेशीकाे रिहाइका लागि के भइरहेकाे छ भन्ने जानकारी सदनमा गराउन पनि उहाँले सरकारकाे ध्यानाकर्षण गराउनुभयाे ।
जाजरकाेटका भूकम्प पीडितलाई राहत दिन र तत्काल पुर्ननिर्माणका काम सम्पन्न गर्न पनि उहाँले सरकारकाे ध्यानाकर्षण गराउनुभयाे ।
