काठमाडाैं । नेकपा एमालेका राष्ट्रिय सभा सदस्य कुमार दसौदीले अहिलेकाे गठबन्धन सरकार देश र जनताकाे समस्यामा गम्भीर हुन नसकेकाे बताउनुभएकाे छ ।
साेमबार बसेकाे राष्ट्रिय सभा बैठककाे विशेष समयमा बाेल्दै सांसद् दसाैदीले जाजकाेट भूकम्पका पीडितप्रति सरकार संवेदनशील हुन नसकेकाे बताउनुभयाे । देश र जनताकाे पक्षमा काम गर्न नसके याे सरकारलाई सरकारमा बस्ने अधिकार नभएकाे उहाँले बताउनुभयाे ।
जाजरकाेट भूकम्पका पीडितबारे पटकपटक आवाज उठाउँदा पनि सरकारले नसुनेकाे भन्दै सांसद् दसाैदीले आपत्ति जनाउनुभयाे । भूकम्प पीडितकाे ज्यान जाेगाउने कुरा मुख्य चुनाैतीकाे विषय हाे भनेर संसदीय समितिले नै भन्दा पनि सरकारले नसुकेकाे उहाँले बताउनुभयाे ।
संसदीय समितिमा पुगेर गृहमन्त्री नारायणकाजी श्रेष्ठले भूकम्प प्रभावित जिल्लामा सेना परिचालन गरेर काम गर्ने बताएपनि व्यवहारमा त्यसाे हुन नसकेकाे सांसद् दसाैदीले बताउनुभयाे । उहाँले भन्नुभयाे - 'तर अहिलेसम्म जिल्लाका मानीयले उठाउनुभएकाे छ, हामीले उठाएका छाैं, जिल्लाबासी राेइकराइ गरिरहेका छन्, सरकार भन्छ एकथाेक गर्छ अर्काे थाेक, किन गर्छ यस्ताे ? सरकारले कसकाे लागि गर्ने भनेकाे बनेकाे हाे ? जनताकाे हितमा काम गर्न नसके सरकारमा किन बस्ने ? मेरो जिम्मेवारी पूरा गर्न नसके म किन बस्ने बिदा लिने अर्को आएर बस्छ, काम सुरु गर्छ, देश र जनतालाई सेवा प्रवाह गर्न सकिँदैन भने सरकारमुक्त हुनुपर्याे ।'
सरकारले पपुलर कुरा गर्ने तर जनताकाे हितमा सेवा प्रवाह गर्न नसकेकाे सांसद् दसाैदीले बताउनुभयाे । सरकारले नागरिकमा आशा जगाउनुपर्नेमा सरकारले उल्टै निराश बनाइरहेकाे उहाँले बताउनुभयाे ।
देशकाे आर्थिक अवस्था निक्कै अप्ठेराेमा रहेकाे भन्दै उहाँले सरकार रेमिट्यान्स बढ्याे भनेर खुशीयाली मनाइरहेकाे बताउनुभयाे । गठबन्धन सरकारले कुनै पनि आयाेजना अगाडि नबढाएका कारण रेमिट्यान्स र करकाे रकम पनि फ्रिज भइरहेकाे भन्दै सांसद् दसाैदीले सरकारले काम थाल्ने हाे भने त्याे रकम चाँडै नै सकिने बताउनुभयाे ।
अदालत सही ढंगले चल्न नसकेकाे पनि उहाँले बताउनुभयाे । ठूला नेता र धनी मानिस जुनसुकै अपराध गरेपनि छुट्छन् भन्ने भाष्य स्थापित भइरहेकाे भन्दै सांसद् दसाैदीले यसकाे अन्त्य गर्नुपर्ने बताउनुभयाे ।
सरकारले शून्य र विशेष समयमा उठाएका कुनै पनि कुरा नसुनेकाे उहाँले बताउनुभयाे ।
