काठमाडाैं । राष्ट्रिय स्वतन्त्र पार्टी (रास्वपा) का सभापति रवि लामिछानेले भाैतिक पूर्वाधार तथा यातायात मन्त्री प्रकाश ज्वालालाई तत्काल बर्खास्त गर्न माग गर्नुभएकाे छ ।
आइतबार प्रतिनिधिसभा बैठकमा समय लिएर बोल्दै सभापति लामिछानेले छानबिन समितिले दाेषी ठहर गर्दा पनि सरकारले मन्त्री ज्वालालाई बर्खास्त नगरेकाेमा कडा आपत्ति जनाउनुभयाे ।
आफू र आफ्ना पार्टीका सांसद्बाटै भ्रष्टाचारको फाइल खोल्न सरकारलाई उहाँले चुनौती दिनुभयाे । सरकारले भ्रष्टाचारका फाइल खाेल्ने भन्ने तर आफ्ना नेताकाे अनुहार देखेपछि उन्मुक्ति दिएकाे भन्दै लामिछानेले आपत्ति जनाउनुभयाे ।
आफ्नालाई जाेगाउने र अरुलाई फसाउने सरकारकाे प्रवृत्ति देखिएकाे भन्दै उहाँले रास्वपाबाटै छानबिन सुरु गर्न माग गर्नुभयाे । 'आफ्ना मान्छेलाई बचाउन खोज्ने र अन्यलाई फसाउन गर्ने प्रयासको गन्ध आएकोले म ध्यानाकर्षण गराउँछु, सरकारले फाइल खोल्ने हो भने म हुँदै मेरा सांसदहरूको फाइल खोलोस्, तर अर्को फाइल नखोलोस्, किनकी सरकारले फाइल खोल्ने भनेको आफ्ना मान्छे बचाउन रहेछ'- सभापति लामिछानेले भन्नुभयाे ।
सुशासनकाे भाषण गर्ने प्रधामन्त्रीकाे आज जाँच हुने पनि उहाँले बतउानुभयाे ।
