स्काउटको जग्गा र भवन मैले होइन स्काउटले नै मनोमानी गरेको छ : दीपक खड्का

काठमाडौं । प्रतिनिधि सभा सदस्य दीपक खड्काले स्काउटको जग्गाको विषयमा आफ्नो चरित्र हत्या गर्ने काम भएको बताउनुभएको छ । आइतबार प्रतिनिधि सभा बैठकमा बोल्दै स्काउटको जग्गाका भवन २०६३ सालबाट आफूले विधिवत् रूपमा भाडामा लिएको बताउनुभयो । एमाले सरकारको पालामा आफूले भाडामा लिएको जग्गा र घरको विषयमा किचलो गरेपछि आफूले अदालत गएर मुद्दा जितेर आएको उहाँको दाबी छ ।

विधिवत् रूपमा आफूले काम गरिरहेको र स्काउटलाई १३ करोड रुपैँय बुझाएको उहाँले जानकारी दिनुभयो । आफूले लिएका बाहेक ५ वटा संरचनामा स्काउटले मनोमानी गरेको उहाँले आरोप लगाउनुभयो ।

उहाँले सो घटनाको छानबिन गरी दोषी माथि कारबाही गर्न माग गर्नुभयो । आफूसँग भएको प्रमाण सभामुखलाई बुझाउने उहाँले जानकारी दिनुभयो ।