काठमाडाैं । प्रमुख प्रतिपक्षी नेकपा एमालेका सांसद् रघुजी पन्तले प्रधानमन्त्री पुष्पकमल दाहाल प्रचण्डले भ्रष्टाचारीलाई संरक्षण गरेकाे बताउनुभएकाे छ
बिहीबार बसेकाे प्रतिनिधि सभा बैठकमा बाेल्दै एमाले सांसद् पन्तले अख्तियार दुरुपयाेग अनुसन्धानमा बयान दिएर आएका मन्त्रीलाई, अवैधानिक निर्णय गर्ने मन्त्रीहरुलाई क्याबिनेटमा राखेर सुशासनको गफ नदिन प्रधानमन्त्रीलाई चेतावनी दिनुभयाे ।
सरकारका गलत कुरालाई हेरेर एमाले अब चुप नबस्ने चेतावनी पनि उहाँले दिनुभयाे । सांसद् पन्तले भन्नुभयाे - 'भ्रष्टाचारलाई स्वयम् प्रधानमन्त्रीले संरक्षण गरिराख्ने, भ्रष्टाचारी मन्त्रीलाई क्याबिनेटमा झण्डा हल्लाउन दिने, अनि भ्रष्टाचार विरुद्धकाे भाषण गर्ने ? कसले पत्याउँछ ? यी कुराकाे व्यवहारमा समाधान देखिएन भने नेकपा एमालेले चुप लागेर बस्दैन ।'
पूर्वमन्त्री शेरबहादुर तामाङ, गोकुल बास्कोटा र सर्वेन्द्रनाथ शुक्लाको समेत उदाहरण दिँदै उहाँले लुम्बिनीको जग्गा घरबेटीलाई दिने काण्डमा संस्कृति पर्यटन तथा नागरिक उड्डयनमन्त्री सुदन किराँती, बालकुमारी हत्याकाण्डका दोषी भौतिक पूर्वाधार तथा यातायात मन्त्री प्रकाश ज्वाला र अख्तियारले बयान लिएका स्वास्थ्य तथा जनसंख्या मन्त्री मोहन बस्नेतलाई बर्खास्त गर्न माग गर्नुभयाे ।
पञ्चायत कालदेखि आजसम्म विवादमा पर्नासाथ, भ्रष्टाचारमा पर्नासाथ १ मिनेट पदमा नबसेकाे नजिर रहेकाे सांसद् पन्तले बताउनुभयाे । उहाँले गणतन्त्र बलियाे नबनाउने अनि गणतन्त्र कमजोर भयो भनेर नक्कली आँशु नबगाउन पनि उहाँले प्रधानमन्त्रीलाई चेतावनी दिनुभयाे । उहाँले भन्नुभयाे - 'आजसम्म राजनीतिक इतिहासमा अख्तियारले बयान लिन बाेलाएपछि कुनैपनि मन्त्री पद बस्दैन, झण्डा हल्लाउँदै मन्त्री बयान दिन गएकाे दुरदर्शापूर्ण दृश्य यसैपाली देखियाे, पञ्चायत कालदेखि आजसम्मकुनै पनि मन्त्री विवादमा पर्नासाथ, झन् भ्रष्टाचारको मुद्दामा पर्नासाथ उ १ मिनेट पनि पदमा बसेकाे छैन, अख्तियारले बाेलायाे छानबिन गर्छ भनेपछि अख्तियारले बाेलाउनुअघि राजीनामा दिएका नजिर छन् हाम्राे देशमा, के यस्तै तरिकाले गणतन्त्र बलियाे हुन्छ ? गणतन्त्र कमजोर भयो भने नक्कली आँशु बगाउने अनि गणतन्त्र बलियो बनाउनेतिर नलाग्ने ?'
प्रधानमन्त्रीलाई गणतन्त्रकाे नाममा आफ्नो सत्ता टिकाइराख्ने र जे पनि गर्न छुट हुने कुरा एमालेलाई स्वीकार्य नहुने सांसद् पन्तले बताउनुभयाे । उहाँले भन्नुभयाे - 'गणतन्त्रकाे नाममा आफ्नाे सत्ता टिकाइराख्ने कुरा मात्र जनतालाई स्वीकार्य हुन्छ ? हामीलाई स्वीकार्य हुँदैन, सक्नुहुन्छ कारबाही गरेर देखाउनुस्, नत्र भने यस्ता भ्रष्टाचारकाे घटनालाई, यस्ता विवादास्पद मन्त्री भएकाे क्याबिनेटकाे गतिविधिलाई नेकपा एमालेले टुलुटुलु हेरेर बस्दैन ।'
