काठमाडाैं । नेकपा एमालेले बालकुमारी घटना र भ्रष्टाचार काण्डमा मुछिएका मन्त्रीलाई बर्खास्त नगरिएकाे विषयमा तत्काल सदनलाई जानकारी दिन प्रधानमन्त्री पुष्पकमल दाहाल प्रचण्डकाे ध्यानाकर्षण गराएकाे छ ।
शुक्रबार बसेकाे प्रतिनिधि सभा बैठककाे सुरुमै समय लिएर बाेल्दै एमाले सांसद् याेगेश भट्टराईले बालकुमारी घटनामा दाेषी करार भाैतिक पूर्वाधार तथा यातायात मन्त्री प्रकाश ज्वाला, टेरामक्स काण्डमा अख्तियारमा बयान दिएका स्वास्थ्य तथा जनसंख्या मन्त्री माेहनबहादुर बस्नेत र रामग्राम क्षेत्रकाे जग्गा निजी कम्पनीलाई दिने निर्णय गर्ने संस्कृति पर्यटन तथा नागरिक उड्डयनमन्त्री सुदन किराँतीकाे राजीनामा माग्नुभयाे ।
बालकुमारी घटनामा सरकारले नै बनाएकाे छानबिन समितिले दाेषी ठहर गरिसक्दा, भ्रष्टाचारमा मुछिएर अख्तियार तथा दुरुपयाेग अनुसन्धान आयाेजमा झण्डा हल्लाउँदै गएर बयान दिएका र रामग्राम क्षेत्रकाे एेतिहासिक क्षेत्र निजी कम्पनीलाई दिने निर्णय गराउने मन्त्रीलाई किन कारबाही गरिएन भन्नेबारे तत्काल प्रधानमन्त्री प्रचण्डले सदनलाई जानकारी दिनुपर्ने उहाँले माग गर्नुभयाे । तत्काल जवाफ नआए एमालेकाे विराेध जारी रहने चेतावनी उहाँले बताउनुभयाे ।
बालकुमारी घटनाकाे छानबिन आयाेगकाे प्रतिवेदन तत्काल सदनमा टेबल गर्न पनि सांसद् भट्टराईले माग गर्नुभयाे । टेरामक्स काण्डमा मुछिएका तत्कालीन सञ्चार र हालका स्वास्थ्यमन्त्री पदमा बहाल हुने कुरा एमालेलाई स्वीकार्य नहुने उहाँले बताउनुभयाे । छानबिनलाई निष्पक्ष बनाउनुपर्ने भन्दै उहाँले स्वास्थ्य मन्त्रीले तत्काल राजीनामा दिनुपर्ने माग उहाँले गर्नुभयाे ।
रामग्राम क्षेत्रकाे जग्गा निजी कम्पनीलाई दिन निर्णय गर्ने मन्त्री किरातीले नैतिक जिम्मेवारी लिनुपर्ने बताउनुभयाे ।
उहाँले बैंक तथा बित्तिय संस्थाबारे जथाभावि अभिव्यक्ति र भ्रम फैलाउने दुर्गा प्रसाइँलाई कारबाही गर्न पनि उहाँले माग गर्नुभयाे ।
