काठमाडौैं । प्रतिनिधि सभा सदस्य पदम गिरीले मन्त्रीहरूको अकर्मण्यताको कारण नेपाली युवाले ज्यान गुमाउनु परेको बताउनुभएको छ ।
प्रतिनिधि सभामा प्रमुख प्रतिपक्षी दलका प्रमुख सचेतक समेत रहनुभएका गिरीले सरकारी झण्डा हल्लाउँदै अख्तियारमा मन्त्री बयान दिन गइरहेका मन्त्रीलाई बर्खास्त नगरिएको भन्दै गिरीले आपत्ति जनाउनुभयो । पुरातात्विक महत्वका स्थान व्यक्तिलाई लिजमा दिने काम भएको उहाँले बताउनभयो ।
प्रतिपक्ष संसद्लाई अवरुद्ध गराउने होइन निर्बाध रूपमा सञ्चालन हुनुपर्छ भन्ने पक्षमा रहेको उहाँले प्रष्ट पार्नुभयो । तर संसदमा उठेका प्रश्नको जवाफ सरकारले नदिएर सत्ता पक्षका सांसदले लगाएर प्रतिपक्ष माथि हिलो छ्याप्ने काम गरिएको भन्दै उहाँले आपत्ति जनाउनुभयो । ‘सत्ता पक्षकै सांसद् लगाएर प्रतिपक्ष माथि हिलो छ्याप्ने जुन प्रयास भएको छ, यसमा हाम्रो आपत्ति छ’, उहाँले भन्नुभयो ।
प्रतिपक्षले संसदमा विधेयक ल्याउन कहाँ रोकेको छ भन्दै उहाँले प्रश्न गर्नुभयो । सत्ता पक्ष आफ्ना काम नगरेर प्रतिपक्ष माथि हिलो छ्याप्ने काममा लागेको उहाँले बताउनुभयो ।
