काठमाडाैं । राष्ट्रिय स्वतन्त्र पार्टी (रास्वपा) का सांसद् विराजभक्त श्रेष्ठले सरकार अलाेकतान्त्रिक बनेकाे बताउनुभएकाे छ ।
शुक्रबार बसेकाे प्रतिनिधि सभा बैठकमा बाेल्दै सांसद् श्रेष्ठले संसद् चलाउने दायित्व सत्तापक्षकाे भएकाे बताउनुभयाे । उहाँले भन्नुभयाे - 'पार्टी देशकाे लागि देश पार्टीकाे लागि ? संसद् चल्ने सत्तापक्षकाे बहुमतले हाे, उहाँहरुले विधेयक ल्याएपछि पास गर्ने उहाँहरुकाे दायित्व हाे, के गठबन्धनमा प्वाल परेकाे हाे ? हामी प्रतिपक्षमा बसेर सरकारलाई रचनात्मक सहयाेग गरिरहेका छाैं ।'
बिहीबारकाे बैठकमा गणपूरक संख्या नपुगेकाे विषयमा सांसद् श्रेष्ठले प्रतिनिधि सभाकाे क्यालेण्डर किन नहेरेकाे भन्दै सत्तापक्षलाई प्रश्न गर्नुभयाे । यदि क्यालेण्डर नभएकाे फाेटाेकपी उललब्ध गराउने भन्दै उहाँले कार्यव्यवस्था समिति के का लागि हाे भन्ने प्रश्न गर्नुभयाे ।
प्रतिपक्ष संसद्काे गरिमा भएकाे भन्दै उहाँले प्रतिपक्षमाथि अनावश्यक आराेप नलगाउन सत्तापक्षलाई चेतावनी दिनुभयाे । सांसद् श्रेष्ठले भनुभयाे - 'विधेयमा बहुमत पुर्याउन त नसक्नेले सरकार कसरी चलाएकाे छ ? जसरी सदन र सरकार चलिरहेकाे छ लाेकतान्त्रिक तरिकाले चलिरहेकाे छैन, सरकारमाथि यति आराेप लागिरहेकाे छ, जवाफदेही हुनुपर्दैन ।'
सत्ता गठबन्धनले संसद्मा माफ माग्नुपर्ने पनि उहाँले बताउनुभयाे ।
