काठमाडौं । सत्तारुढ दल नेकपा माओवादी केन्द्रले संघीय संसद् सचिवालयका महासचिव पद्मप्रसाद पाण्डेयको तीनवटा नागरिकताको विषय सदनमा उठाएको छ ।
शुक्रबार बसेकाे प्रतिनिधि सभा बैठकमा बाेल्दै सांसद् माधव सापकाेटाले प्रतिपक्षलाई साे विषयमा पनि सदनमा उठाउन चुनाैती दिनुभयाे । 'म भन्न चाहन्छु - प्रतिपक्षका साथीहरूलाई संसद्का महासचिवको तीन नागरिकता र दुई वटा राहदानीको कुरा तपाइँहरूले उठाएको कुरामा थप्नुहोस् न, संसद्मा हाम्रो महासचिवको तीन वटा नागरिकता छ दुई वटा पार्सपोर्ट छ, तपाइँहरूले त्यो थप्नुहुन्न ?'- उहाँले प्रश्न गर्नुभयाे ।
सांसद् सापकाेटाले प्रतिपक्षका ७ जना सांसद्ले संसद्का कर्मचारीलाई १५ वर्षमै पेन्सन दिनेगरी संशाेधन प्रस्तावकाे हालेकाे भन्दै विराेध गर्नुभयाे । 'तपाइँहरु नै हो नि, प्रतिपक्षका ७ जना सांसद्ले १५ वर्षमा पेन्सन पाक्ने भनेर, हामी पेन्सनका लागि समय दिन हो भने नेपाल प्रहरी, नेपाल आर्मी, सशस्त्र र शिक्षलकलाई १० वर्षमै पेन्सन दिने ? के मनलाग्दी संशाेधन हाल्ने ?'- उहाँकाे प्रश्न छ ।
सांसद् सापकाेटाले संक्षिप्त समय भनेकाे कति हाे ? आकस्मिक समयमा काे काे बाेल्ने हाे कार्यव्यवस्थामै ताेक्न माग गर्नुभयाे ।
