काठमाडाैं । प्रमुख प्रतिपक्षी नेकपा एमालेले सदनकाे आगामी बैठकमा उपयुक्त जवाफ र मन्त्रीहरुकाे बर्खातीकाे सूचना लिएर आउन प्रधानमन्त्री पुष्पकमल दाहाल प्रचण्डलाई आग्रह गरेकाे छ ।
शुक्रबार बसेकाे प्रतिनिधि सभाकाे दाेस्राे बैठकमा बाेल्दै एमालेका सचेतक महेशकुमार बर्ताैलाले बालकुमारी घटना, भ्रष्टाचार काण्डमा मुछिएका मन्त्रीका विषयमा प्रमुख प्रतिपक्ष र प्रतिपक्षले उठाएका सवालकाे सम्बाेधन गर्न प्रधानमन्त्रीकाे ध्यानाकर्षण गराउनुभयाे ।
प्रतिपक्षले उठाएका गम्भीर सवालकाे जवाफ दिनुकाे सट्टा सरकार संसद् छलेर भागिरहेकाे भन्दै उहाँले प्रधानमन्त्रीलाई नथ्थी लगाएर सदनमा ल्याउनुपर्ने स्थिति सृजना नगर्न समेत चेतावनी दिनुभयाे । 'हामीले उठाएका यी ज्वन्त मुद्दा र विषयवस्तुलाई सम्बाेधन गरियाेस्, यदि सरकार प्रत्येक दिन संसद्लाई छलेर भागिरहन्छ भने, म विनम्रतासाथ आग्रह गर्न चाहान्छु - सरकार ६ गतेदेखि भाग्दैछ, हिजाे पनि भाग्याे, आज पनि भाग्याे, १३-१४ गते भाग्ला, कति गतेसम्म भाग्दै जाँदाे हाेला, सम्माननीय प्रधानमन्त्री ज्यू, हामीसँग यति तागत छ नाकमा नथ्थी लगाएर संसद्मा ल्याउनपर्ने गरीकाे परिस्थितिमा प्रमुख प्रतिपक्ष र प्रतिपक्षहरुलाई नपुर्याइयाेस्'- बर्ताैलाले भन्नुभयाे ।
आगामी बैठकमा मन्त्रीहरुलाई बर्खास्त गरेर आएकाे सूचना र कारबाहीकाे प्रतिबद्धताकाे उपयुक्त जवाफसहित प्रधानमन्त्रीकाे उपस्थित हुने विश्वास समेत उहाँले व्यक्त गर्नुभयाे ।
सहजतापूर्वक जाने अवस्था नदेखिएपछि केही समय सदन अवरुद्ध भएकाे सचेतक बर्ताैलाले बताउनुभयाे । संसदीय नियमावली विपरीत सत्तापक्षले प्रतिपक्षकाे विराेध गर्ने, संसद्मा जे पनि बाेल्ने, सभामुखलाई नै रुलिङ गर्ने जस्ता गतिविधि आजकाे बैठकमा देखिएकाे भन्दै उहाँले यस्ता कार्य बन्द गर्न चेतावनी दिनुभयाे ।
