काठमाडाैं । प्रमुख प्रतिपक्षी नेकपा एमालेले प्रधानमन्त्री पुष्पकमल दाहाल प्रचण्डलाई संसद् नछल्न आग्रह गरेकाे छ ।
आइतबार बसेकाे प्रतिनिधि सभाकाे आकस्मिक समयमा बाेल्दै एमाले प्रमुख सचेतक पदम गिरीले प्रतिपक्षकाे मागलाई सम्बाेधन गर्नुकाे सट्टा प्रधानमन्त्रीले संसद् छलेर हिँड्नु उचित नहुने बताउनुभयाे ।
उहाँले गत फागुन ६ देखि बालकुमारी घटनाका दाेषी भाैतिक मन्त्री प्रकाश ज्वाला र गृहमन्त्री नारायणकाजी श्रेष्ठ, भाैतिक, अख्तियारकाे निगरानीमा रहेका स्वास्थ्यमन्त्री माेहन बस्नेत, रामग्रामकाे जग्गा निजी कम्पनीलाई दिने पर्यटनमन्त्री सुदन किँराती र लुम्बिनी विकास काेषका उपाध्यक्ष ल्यारक्याल लामालाई तत्काल बर्खास्त गर्न निरन्तर माग गरिरहेकाे बताउनुभयाे ।
प्रमुख सचेतक गिरीले ती मन्त्रीलाई तत्काल कारबाही गर्न प्रमुख प्रतिपक्षसहित प्रतिपक्षी दलले मर्यादित ढंगले सुशासनकाे निम्ति खबरदारी गरिरहेकाे तर सरकार सुन्नका लागि तयार नभएकाे बताउनुभयाे । उहाँले भन्नुभयाे - 'हामीले संयमतासाथा, जिम्मेवारीवाेधसाथ संसद्मा हप्ताैंदेखि याे विषय उठाइँरहँदा सरकार सुन्न तयार छैन, आज प्रधानमन्त्रीले यति महत्वपूर्ण विषयमा संसद्मा आएर सिंगाे संसद्लाई जवाफ दिनुपर्नेमा संसद् छलेर बाहिर हिँड्नुभएकाे छ, सारा उठेका सवाललाई अनदेखा गर्ने काेशिस गर्नुभएकाे छ, याे अत्यन्त दुखकाे कुरा हाे चिन्ताकाे विषय हाे ।'
प्रमुख सचेतक गिरीले आफूहरुले संसद् अवरुद्ध गर्न नचाहेकाे तर सरकारले वाध्य पारिरहेकाे बताउनुभयाे । शान्तिपूर्ण र मर्यादित ढंगले प्रतिपक्षले माग राख्दा सरकारले सुन्ने हाे भने संसद् अवरुद्ध हुने स्थिति नै नआउने उहाँले बताउनुभयाे । सरकार जसरी पनि प्रतिपक्षलाई उत्तेजित बनाउने, प्रतिपक्षका मागलाई नसुन्ने र बलमिच्याइँ गरेर अगाडि बढ्न खाेज्दा संसद् अवराेधकाे स्थिति भएकाे प्रमुख सचेतक गिरीले बताउनुभयाे ।
महत्वपूर्ण सवालमा, सुशासनका सवालमा गैर जिम्मेवार नबन्न, प्रधानमन्त्रीले चाँडाे भन्दा चाँडाे प्रतिपक्षका मागलाई तत्काल सम्बाेधन गर्न, बदनियत बाेकेका, दाेषी र छानबिनकाे दायरामा रहेका मन्त्रीलाई तत्काल बर्खास्त गर्न उहाँले माग गर्नुभयाे ।
प्रमुख सचेतक गिरीले मिटरब्याज पीडितका मागलाई तत्काल सम्बाेधन गर्न पनि प्रमुख सचेतक गिरीले बताउनुभयाे । २४-२५ दिन लामाे पैदल यात्रा गरेर पीडितहरु काठमाडाैं आएका भन्दै उहाँले उनीहरुलाई न्याय दिन सरकारकाे ध्यानाकर्षण दिनुभयाे ।
काठमाडाैंमा चिसाेमा कठ्यांग्रिएकाे, बिरामी परेकाे र औषधि नपाएकाे अवस्था रहेकाे भन्दै प्रमुख सचेतक गिरीले यसमा गम्भीर हुन सरकारकाे ध्यानाकर्षण गराउनुभयाे । सरकारले मिटरब्याज पीडितका समस्या समाधान गर्याैं भन्ने र गृहमन्त्रीले माइतीघरमा पुगेर गृहमन्त्रीले काेणसभा गरेर स्टन्ट देखाएकाे तर पीडितहरु अहिलेक काठमाडाैं आउने अवस्था आएकाे उहाँले बताउनुभयाे बताउनुभयाे ।
प्रमुख सचेतक गिरीले मिटरब्याज पीडितहरु काठमाडाैं आउाे अवस्था किन सृजना भयाे भन्ने प्रश्न समेत गर्नुभयाे । 'हिजाे गृहमन्त्रीले यही राेस्टममा अब मिटरब्याज पीडितका समस्या समाधान गर्याैं, उनीहरुका जारी तमखुक च्यात्ने ठाउँमा पुर्याऔं, एेतिहासिक काम हामीले गर्याैं, अरु पार्टीले सबै गृहमन्त्रीले गरेजसरी संसद्मा प्रस्तुत हुनुभयाे, माइतीघरमा गएर काेणसभा गर्नुभयाे र मैले याे समस्या समाधान गरेँ भन्नुभएकाे थियाे, समस्याकाे समाधानकाे गरेकाे भए आज ती पीडितहरु काठमाडाैंकाे चिसाेमा सुत्नुपरेकाे छ ? २४-२५ दिनदेखि धाएर आउने अवस्था सृजना भएकाे छ ? के ले गर्दा भएकाे छ यसकाे जवाफ सरकारले दिनुपर्छ कि पर्दैन ? यस विषयप्रति सरकारकाे गम्भीरतापूर्व ध्यान जाओस्, उहाँहरुका जायज माग तत्काल सम्बाेधन गराेस्'- उहाँले भन्नुभयाे
प्रमुख सचेतक गिरीले अफ्रिकन स्वाइन फिबर २८ जिल्लामा फैलिइसकेकाे भन्दै उहाँले ४ लाख किसानका १४ लाख बंगुरहरु प्रभावित भएकाे बताउनुभयाे । गण्डकीमा मात्रै ५० कराेड बढी क्षति भएकाे भन्दै प्रमुख सतचेतक गिरीले तत्काल प्रभावकारी कदम नचाले ३ लाख ६१ हजार बंगुर मर्ने र १५ अर्ब बढी क्षति हुने अवस्था रहेकाे बताउनुभयाे ।
उहाँले किसानका मागलाई तत्काल सम्बाेधन गर्न माग गर्नुभयाे । कृषि मन्त्री किसानका समस्यामा उदासिन रहेकाे तर अनेक नियुक्ति र सरुवा बढुवामा सक्रिय रहेकाे प्रमुख सचेतक गिरीले बताउनुभयाे ।
सभामुखकाे रुलिङ समेत नस्वीकार्ने सरकारबाट लाेकतन्त्रमा खतरा रहेकाे समेत उहाँले बताउनुभयाे ।
