काठमाडौं । राष्ट्रिय स्वतन्त्र पार्टी (रास्वपा) का सांसद् हरि ढकालले सरकारलाई ब्युँझाउन किसानहरुले अब पशु चौपाया (गाईभैंसी) सिंहदरबार र बालुवाटारमा हुल्दिने बताउनुभएकाे छ ।
आइतबार बसेकाे प्रतिनिधि सभा बैठकको शून्य समयमा बाेल्दै सांसद् ढकालले कृषि तथा पशुपक्षी विकास मन्त्री डा. बेदुराम भुसालले किसानकाे पक्षमा एउटा राम्राे काम नगरेकाे बताउनुभयाे ।
मनलाग्दी नियुक्तिबाहेक कृषि मन्त्रीले केही नगरेकाे भन्दै उहाँले कृषकप्रति सरकार अझै गैरजिम्मेवार बने किसानहरुले पशु चौपाया सिंहदरबार र बालुवाटार हुल्दिने चेतावनी समेत दिनुभयाे । 'प्रेमिल गठबन्धन सरकारका कृषि मन्त्रीलाई प्रश्न, मनलाग्दी नियुक्तिबाहेक तपाइँले कृषि क्षेत्र र किसानकाे एउटा काम के हो ? दूध किसानकाे हालत उस्तै छ मिल्क होलिडे सुरु भएकाे छ भुक्तानी पाएका छैनन्, अब याे सरकार र कृषि मन्त्रीलाई ब्युँझाउन किसानले पालेका पशु चौपाया सिंहदरबार कि बालुवाटार हुलिदिने हाे ? नत्र याे सरकार ब्युँझिदैन'- सांसद् ढकालले भन्नुभयाे ।
दूध पोखेर सांकेतिक विरोध गरेका किसानले सरकारलाई ब्युँझाउन आन्दाेलनकाे तयारी गरेका उहाँले बताउनुभयाे । 'अब किसानले पालेका पुश चाैपाया गाेठबाट सिंहदरबार-बालुवाटार लगेर हुल्दिन्छन्, त्यसका लागि सरकार तयार रहोस्'- सांसद् ढकालले भन्नुभयाे ।
