काठमाडाैं । प्रमुख प्रतिपक्षी नेकपा एमालेले प्रतिनिधि सभा बैठक अवरुद्ध गरेकाे छ ।
विवादित मन्त्रीकाे राजीनामा, मिटरब्याज तथा लघुवित्त पीडित र दुग्ध किसानको माग पूरा गर्न माग गर्दै एमालेले साेमबार बसेकाे प्रतिनिधि सभाकाे बैठक अवरुद्ध गरेकाे हाे ।
बैठककाे सुरुमै बाेल्दै एमाले सांसद् गाेकुल बाँस्काेटाले यी तीन विषयमा सरकारकाे ध्यानाकर्षण गराउँदै प्रधामन्त्रीकाे जवाफ माग्नुभएकाे थियाे । त्यसपछि बाेलेका राप्रपा अध्यक्ष राजेन्द्र लिङ्देनले पनि यी तीन विषयमा सरकारकाे ध्यानाकर्षण गराउनुभएकाे थियाे ।
त्यसपछि बाेल्नुभएका रास्वापा सभापति रवि लामिछानेले पनि सरकारले यी विषयमा किन जवाफ दिन नसकेकाे भन्दै जवाफ माग्नुभएकाे थियाे ।
लामिछाने बेालिसकेपछि एमाले सांसद्ले उठेर नाराबाजी गरेका हुन् । दूग्ध किसानकाे पैसा भुक्तानी गर, विवादित मन्त्रीलाई बर्खास्त गर, सभामुकाे रुलिङ कार्यान्वयन गर, गाेली हानेर मान्छे मार्न पाइँदैन, गाेली हानेर मान्छे मार्ने मन्त्री सदनमा बस्न पाइँदैन, मिटरब्याज पीडितलाई न्याय दे, संसदीय सर्वाेच्चतता कायम गर लगायत नारा सांसद्हरुले लगाएका थिए ।
