काठमाडौं । नेपाली काग्रेसकी सांसद् आरजू राणा देउवाले संसदीय समितिले दिएको निर्देशन कार्यान्वयनबारे सरकारलाई प्रश्न गर्नुभएकाे छ ।
साेमबार बसेकाे प्रतिनिधि सभाकाे दाेस्राे बैठककाे शून्य समयमा बाेल्दै सांसद् राणाले कृषि सहकारी तथा प्राकृतिक स्रोत मितिले किसानहरूलाई दूधको भुक्तानी अविलम्ब गर्न भनेर दिएको निर्देशन के भयाे भनेर प्रश्न गर्नुभयाे ।
साे समितिकी सभापति समेत रहनुभएकी राणाले भन्नुभयाे - 'कात्तिक १५ गते कृषि सहकारी तथा प्राकृतिक स्रोत समितिले नेपाल सरकारलाई दूध किसानको पेमेन्टका लागि निर्देशन पठाएको थियो, यो अहिले कहाँ पुग्यो ? भनेर सरकारलाई सभामुखमार्फत ताकेता गर्दिन अुनराेध गर्दछु ।'
बजेट कार्यान्वयन पक्ष कमजाेर रहेकाे भन्दै उहाँले सरकारले बजेट कसरी खर्च गर्ने र कसरी राम्रोसँग कार्यान्वयन गर्ने भन्नेमा ध्यान दिनुपर्ने सुझाव दिनुभयाे ।
