काठमाडाैं । सत्तारुढ नेपाली कांग्रेसका सांसद् दिलेन्द्रप्रसाद बडूले दूग्ध किसानका माग र मिटरब्याज पीडितका विषयमा सरकारकाे ध्यानाकर्षण गराउनुभएकाे छ ।
शुक्रबार बसेकाे प्रतिनिधि सभा बैठककाे शून्य समयमा बाेल्दै सांसद् बडूले भुक्तानी माग्दै दूग्ध किसानले सडकमा दूध पाेखेकाे हृदयविदारक विषयले सरकारकाे मन किन छाेएन भन्दै प्रश्न गर्नुभयाे । कृषिमन्त्री डा. वेदुराम भुसाल र सरकारकाे खाेजी गर्दै उहाँले भन्नुभयाे - 'केही दिन यता दूग्ध किसानले दूध सडकमा फालिरहेका छन्, यस्ताे हृदयविदारक चित्र देखेर सरकारकाे मन किन छुँदैन ? कृषि मन्त्री कहाँ हुनुहुन्छ ? सरकार के गर्दैछ ? याे समस्याकाे निरारकरणका लागि सरकार के गर्दैछ सदनलाई जानकारी हुनुपर्याे ।'
मिटरब्याज पीडितका लागि कानुन बनाइसक्दा पनि उनीहरु काठमाडाैं आउने अवस्था किन सृजना भयाे भन्ने प्रश्न गर्दै सांसद् बडूले यी सबै विषयमा सदनमा जवाफ दिन माग गर्नुभयाे ।
