काठमाडाैं । नेपाल लाेकतान्त्रिक समाजवादी (लाेसपा) का सांसद् सर्वेन्द्रनाथ शुक्लाले राज्यका व्यक्ति र संस्थाबाटै अशान्ति मच्याउने प्रयास भइरहेकाे बताउनुभएकाे छ ।
शुक्रबार बसेकाे प्रतिनिधि सभा बैठककाे विशेष समयमा बाेल्दै सांसद् शुक्लाले बाैद्ध जन्मस्थल लुम्बिनीमा सबै धर्म र सम्प्रदायका मानिसहरु मिलेर बसेकाेमा राज्यले अहिले सद्भाव खलबल्याउने प्रयास गरिरहेकाे बताउनुभयाे । 'हिन्दू, इस्लाम धर्मावलम्बी र बाैद्धमार्गीहरुबीच एकदमै राम्राे सद्भाव कायम हुँदै आएकाे थियाे, मिलेर एक अर्काकाे पर्वमा भाग लिने परम्परा थियाे, तर अहिले राज्यकाे संस्था र व्यक्तिहरुबाटै शान्ति भंग गराउने, अशान्ति कायम गराउने प्रयास लगातार भइरहेकाे छ' - उहाँले भन्नुभयाे ।
परापूर्व कालदेखि नै मायादेवी मन्दीरकाे नाम रुमिनदेही रहेकाे र त्यहाँ चैत्र शुक्ल पूर्णिमामा लगातार वार्षिक महाेत्सव हुँदै आएकाे भन्दै उहाँले त्यहाँ सबै धर्माबलम्वी मिलेर मनाउने गरेका सुनाउनुभयाे । मायादेवीकाे नयाँ मन्दिर बनेपछि पुरानाे मन्दिर हटाउने, त्यहाँका मूर्तिलाई तहसनहस गरेर, उत्खनन् गरेका मूर्ति समेत थन्क्याएर राखिएकाे भन्दै सांसद् शुक्लाले आपत्ति जनाउनुभयाे । यसले जनतामा आक्राेश सृजना गर्ने भन्दै उहाँले यस्ताे संविधानकै ठाडाे उल्लंघन भएकाे बताउनुभयाे ।
यस विषयमा संघर्ष समितिले विभिन्न माग १८ बुँदे माग राखेकाे भन्दै सांसद् शुक्लाले कुनै अशान्ति फैलनुअघि साे समितिसँग वार्ता गरेर माग पूरा गर्न सरकारकाे ध्यानाकर्षण गराउनुभयाे ।
विभिन्न देशमा ४० वटा सांस्कृतिक केन्द्र एकै ठाउँ भएकाे लुम्बिनीलाई सांस्कृतिक राजधानी बनाउनुपर्नेमा राज्यले लुम्बिनीलाई निरन्तर उपेक्षा गरिरहेकाे बताउनुभयाे । लुम्बिनी जस्ताे पवित्र भूमिकाे भित्रि सडक, शिक्षा स्वास्थ्यकाे स्थिति दयनीय रहेकाे बताउनुभयाे
