काठमाडाैं । प्रधानमन्त्री पुष्पकमल दाहाल प्रचण्डले अविश्वसनीय ढंगले गठबन्धन ताेडेर राजनीतिक बेइमानी गरेकाे नेपाली कांग्रेसले ठहर गरेकाे छ ।
बिहीबार बसेकाे प्रतिनिधि सभा बैठककाे विशेष समयमा बाेल्दै कांग्रेस प्रमुख सचेतक रमेश लेखकले प्रधानमन्त्री प्रचण्डले अविश्वसनी ढंगले गठबन्धन ताेडेर प्रधानमन्त्री प्रचण्डले कांग्रेसप्रति विश्वासघात गरेकाे बताउनुभयाे ।
कांग्रेस गठबन्धनप्रति इमान्दार हुँदा हुँदै पनि गठबन्धन भत्काउनु कांग्रेसप्रति विश्वासघात गर्ने काम प्रधानमन्त्री प्रचण्डबाट भएकाे उहाँले बताउनुभयाे ।
गत चुनावमा गठबन्धन गरेर चुनाव लडेर जनताप्रति गरेकाे प्रतिबद्धता ताेडेर प्रधामन्त्रीले जनमतकाे घाेर अपमान गरेकाे आराेप पनि उहाँले लगाउनुभयाे । 'याे कुठाराघात मात्र हाेइन, गएकाे निर्वाचनमा जनमतकाे पनि घाेर अपमान हाे'- प्रमुख सचेतक लेखकले भन्नुभयाे ।
बिहान बसेकाे कांग्रेस संसदीय दलकाे बैठकले सरकारलाई दिएकाे समर्थन फिर्ता लिइएकाे पनि उहाँले सुनाउनुभयाे । कांग्रेस अब प्रमुख प्रतिपक्षमा बस्ने समेत प्रमुख सचेतक लेखकले बताउनुभयाे ।
