काठमाडौं । नेकपा एमालेका उपाध्यक्ष तथा सांसद् विष्णु प्रसाद पाैडेलले नयाँ गठबन्धनबीचकाे सहयात्रा प्रतिनिधि सभाकाे कार्यकालभर चल्ने बताउनुभएकाे छ ।
बिहीबार बसेकाे प्रतिनिधि सभा बैठककाे विशेष समयमा बाेल्दै सांसद् पाैडेलले हिजोको गठबन्धन चल्न सकेन भन्ने निष्कर्षसाथ नयाँ सहयात्रा थालिएकाे बताउनुभयाे ।
एमाले, माओवादी केन्द्र, जसपा, एकीकृत समाजवादी र रास्वपाबीचकाे सहकार्य कुनै स्वार्थ र अवसरका लागि नभएकाे उहाँले बताउनुभयाे । सांसद् पाैडेलले भन्नुभयाे - 'इतिहास कहिल्यै पनि सेलरोटी जस्तो घुम्दैन स्प्रिङजस्तो घुम्छ, लाग्दाे हाे यहाँहरुलाई हिजाे जे भयाे केही समयपछि हामी त्यस्तै गर्छाैं भनेर त्याे आशा नगरे हुन्छ, अहिले सुरु भएकाे नयाँ सहयात्राले प्रतिनिधि सभाकाे याे कार्यकाल पूरा गर्नेछ, याे कुनै स्वार्थको लेनदेनमा आधारित, अवसरका निम्ति गरिएकाे सहयात्रा हाेइन, जनता र राष्ट्रका समस्यालाई केन्द्रमा राखेर तिनलाई समाधान गर्ने उद्देश्यद्वारा सुरु भएकाे सहयात्रा हाे ।'
विगतका अनुभवबाट शिक्षा लिएर सुरु गरिएकाले याे सहयात्रा दुर्घटनामा नपर्ने विश्वास समेत सांसद् पाैडेलले व्यक्त गर्नुभयाे । 'याे विगतका अनुभवबाट यथेष्ट रुपमा शिक्षा लिएर आरम्भ गरिएको सहयात्रा हो, दुर्घटनामा पर्छ कि भन्ने आशंका र पराेस् भनेर कसैले अपेक्षा नगरे हुन्छ, मलाई विश्वास छ याे सहयात्राले बाँकी कार्यकाल पूरा गर्नेछ, देश र जनताकाे पक्षमा काम गरेर याे सहयात्राकाे औचित्य पुष्टि हुनेछ ।'
सत्ता र प्रतिपक्षबीचको सम्बन्धबारे संविधान, कानुन र हाम्रा अभ्यासहरुले परिभाषित गरेको स्मरण गराउँदै उहाँले सरकारले देश र जनताका पक्षमा काम गर्नुपर्ने र प्रतिपक्षले पनि रचनात्मक सहयाेग गर्नुपर्ने बताउनुभयाे । सरकारलाई जनता र राष्ट्रका पक्षका दृढतापूर्वक काम गर्न सुझाव सांसद् पाैडेलले सुझाव दिनुभयाे । सरकारको आलोचना गर्ने प्रतिपक्षको अधिकारमा संकुचन हुनु नहुनेतर्फ पनि उहाँले सरकारलाई सुझाव दिनुभयाे ।
सरकारले गरेका राम्रा काममा रचनात्मक सहयाेग गर्न प्रतिपक्षलाई आग्रह गर्नुभयाे ।
देशकाे अर्थतन्त्रलाई ठिक बाटाेमा फर्काउने अभिभारा सरकार सामु रहेकाे उहाँले बताउनुभयाे । देशकाे अर्थतन्त्र मन्दीकाे अवस्थामा रहेकाे तर यसअघिका अर्थमन्त्रीले कहिल्यैपनि त्याे कुरा नभनेकाे बताउनुभयाे । अर्थमन्त्री आँकडा सच्याउनेतिर मात्रै लाग्नुभएकाे बताउ।नुभयाे ।
