काठमाडाैं । राष्ट्रिय स्वतन्त्र पार्टी (रास्वपा) का प्रमुख सचेतक सन्ताेष परियारले केही गर्नुपर्छ भनेर नै नयाँ गठबन्धन सरकारमा सहभागी भएकाे बताउनुभएकाे छ ।
बिहीबार बसेकाे प्रतिनिधि सभा बैठककाे विशेष समयमा बाेल्दै सचेतक परियारले रास्वपा जनताका समस्या समाधानका लागि सरकारमा सामेल भएकाे बताउनुभयाे । 'हामी हिजाे प्रश्न गर्ने ठाउँमा थियाैं, अहिले भूमिका परिवर्तन गरेका छाैं त्यसकाे अर्थ ठाउँ मात्र परिवर्तन गर्नु हाेइन, हामी समस्याकाे समाधान दिन सक्छाैं, हामीले गर्न सक्छाैं भनेर बसेका छाैं र गर्न पनि सक्छाैं, प्रश्न गर्न सजिलो छ, जब समाधान गर्ने बेला आउँछ, त्यतिबेला राजनीतिक पार्टी भाग्नुहुँदैन'- उहाँले भन्नुभयाे ।
हिजाे दलहरुले गरेकाे जस्ताे गल्ती गर्न नभइ परिवर्तनका लागि रास्वपा सत्तामा गएकाे प्रमुख सचेतक परियारले बताउनुभयाे । काम गर्न नसक्दाकाे दिन रास्वपा सरकारमा नबस्ने दाबी समेत उहाँले बताउनुभयाे ।
आफूहरु समाज रुपान्तरणकाे हस्तक्षेपसहित रास्वपा संसद्मा आएकाे भन्दै प्रमुख सचेतक परियारले नयाँ गठबन्धन बनाउनमा मुख्य भूमिका खेलेकाे बताउनुभयाे । गल्ती गर्न नभइ परिवर्तनका लागि रास्वपा सत्तामा गएकाे उहाँले बताउनुभयाे ।
देशलाई समृद्ध बनाउन, सुशासन कायम गर्न, संविधानले व्यवस्था गरेका अधिकारलाई सुनिश्चित गर्न नयाँ मन्त्रिमण्डले बनेकाे भन्दै उहाँले प्रधाननमन्त्री पुष्पकलम दाहाल प्रचण्डकाे टिमलाई शुभकामना दिनुभयाे ।
सदनमा सहकार्य र चुनावमा प्रतिष्पर्धा गर्नुपर्नेमा सदनमा प्रतिष्पर्धा र चुनावमा सहकार्य गर्ने पुराना दलकाे शैलीले लाेकतन्त्र नै कमजाेर बनाएकाे भन्दै प्रमुख सचेतक परियारले इलाममा हुने उपचुनावमा एकल प्रतिष्पर्धा गर्न आग्रह गर्नुभयाे । साे उपचुनाव रास्वपाले जित्ने दाबी समेत परियारले बताउनुभयाे ।
पुराना दलहरुले गरेकाे परिवर्तनलाई आफूहरुले सधैं सम्मान गर्ने भन्दै उहाँले जनताका आशा पूरा गर्नका लागि सरकारमा सहभागी भएकाे बतउानुभयाे ।
रास्वपाले जनताकाे मर्न लागेकाे सपना जगाएकाे र त्यसकारण पनि आज सरकारमा पुगेकाे दाबी पनि परियारले गर्नुभयाे ।
