काठमाडाैं । राष्ट्रिय सभा अध्यक्षमा नेपाली कांग्रेसका युवराज शर्मालाई निर्वाचित गरियोस् भन्ने प्रस्ताव बहुमतले अस्वीकृत भएको छ ।
मंगलबार बसेकाे राष्ट्रिय सभा बैठकमा भएको मत विभाजन प्रक्रियाबाट शर्मालाई राष्ट्रिय सभा अध्यक्ष निर्वाचित गरियोस् भन्ने प्रस्ताव बहुमतले अस्वीकृत भएको हो ।
बैठकमा ५६ जना सांसद्प उस्थित भएकाेमा साे प्रस्तावको पक्षमा १७ र विपक्षमा ३९ मत परेकाे राष्ट्रिय सभा उपाध्यक्ष उर्मिला अर्यालले बैठकलाई जानकारी गराउनुभयाे ।
उहाँ नेपाली कांग्रेसलगायत विपक्षी दलहरूको समर्थनमा राष्ट्रियसभा अध्यक्षको उम्मेदवार बन्नुभएकाे थियाे । शर्माकाे पक्षमा कांग्रेसका १६ र लोसपाका १ सांसद्ले मत दिए ।
अहिले नारायण दाहाललाई अध्यक्ष पदमा निर्वाचित गरियोस् भन्ने प्रस्तावमा मत विभाजन भइरहेको छ । दाहाल सत्ता गठबन्धनका उम्मेदवार हुनुहुन्छ ।
