काठमाडौं । प्रतिनिधि सभा सदस्य डा. स्वर्णिम वाग्लेले प्रधानमन्त्रीको कुर्सी हल्लिएर नभई देशको लागि केही गर्ने चाहनाका साथ नयाँ गठबन्धन बनेको बताउनुभयो ।
बुधबार प्रतिनिधि सभा बैठकमा बोल्दै वाग्लेले देशका लागि केही गरौँ भन्ने चाहनाका साथ राष्ट्रिय स्वतन्त्र पार्टी जोखिम मोलेरै गठबन्धन सरकारमा गएको बताउनुभयो । ‘राजकाजको अवसर आउँदा अभ्यास गर्नुपर्छ, चेस खेल्न बस्दा गोटी चाल्नै पर्छ’, उहाँले भन्नुभयो ।
रास्वपा बिगार्न, भत्काउन र उखेल्न नआएको बताउनुभयो । सरकारमा रास्वपा केही गर्न आएको उहाँले प्रष्ट पार्नुभयो । ‘गर्न नसकेका दिन हामी आफैँ निस्कन्छौँ, प्रधानमन्त्रीलाई सजिलो बनाइदिन्छौँ, हामीलाई गलहत्त्याउनु पर्दैन’, वाग्लेले भन्नुभयो ।
उहाँले रास्वपालाई च्याप्प समातेर प्रधानमन्त्री र उपप्रधानमन्त्री बनाइदेलान् भन्ने डर भएको बताउनुभयो । त्यसैले भागिभागी हिँड्नु पर्ने अवस्था रहेको उहाँको धारणा छ ।
