राष्ट्रिय सभाका विषयगत समितिका सभापतिको चुनाव चैत ४ मा

काठमाडाैं । राष्ट्रिय सभाका विषयगत समितिका सभापतिहरुको चुनाव चैत ४ गते हुने भएको छ ।

बुधबार बसेकाे राष्ट्रिय सभा बैठकले समिति सभापतिकाे चुनावकाे मिति तोकेकाे हाे ।

राष्ट्रिय सभा अध्यक्ष नारायणप्रसाद दाहालले राष्ट्रिय सभाको नियमावली, २०७५ को नियम १५० बमोजिम राष्ट्रिय सभाका विषयगत समितिका सभापतिहरुको चुनावका लागि चैत ४ गतेको दिन तोकेको बैठकलाई जानकारी गराउनुभयाे ।